Gwefan llywodraeth y DU

Cardiau trên

Fel arfer, rhoddir cardiau trên ochr yn ochr â cherdyn llun. Rhaid i chi ddangos y ddau o'r rhain wrth brynu eich tocyn er mwyn cael gostyngiad.

Cerdyn Trên Pobl Ifanc

Mae'r rhain ar gael i bobl rhwng 16 a 25 oed a'r rhai hynny dros 26 oed sydd mewn addysg amser llawn. £24 yw cost y cerdyn, a chaiff deiliad y cerdyn 1/3 oddi ar brisiau llawer o docynnau trên

• Mwy am Gerdyn Trên i Bobl Ifanc (adran pobl ifanc)

Cerdyn Trên i Bobl Anabl

Mae'r rhain ar gael i bobl anabl er mwyn i'r deiliad ac un cydymaith arbed 1/3 ar y rhan fwyaf o docynnau dosbarth safonol neu ddosbarth cyntaf. £18 yw cost cerdyn blwyddyn, a £48 yw cost cerdyn tair blwyddyn.

• Mwy am Gerdyn Trên i Bobl Anabl (adran pobl anabl)

Cerdyn Trên i Bobl Hŷn

Mae'r rhain ar gael i bobl 60 oed a throsodd. £24 yw cost y cerdyn, a chaiff deiliad y cerdyn 1/3 oddi ar y rhan fwyaf o docynnau dosbarth safonol neu ddosbarth cyntaf.

• Mwy am Gerdyn Trên i Bobl Hŷn (adran dros 50)

Cerdyn Trên Rhwydwaith

Mae'r rhain ar gael i unrhyw un sy'n teithio ar drên yn Ne Ddwyrain Lloegr at ddibenion hamdden. £20 yw cost y cerdyn, a chaiff hyd at bedwar oedolyn 1/3 oddi ar brisiau llawer o docynnau trên, a 60 y cant oddi ar docyn plant i bedwar plentyn rhwng 5 a 15 oed. Ar gyfer teithiau'n ystod yr wythnos, rhaid i'r tocyn fod yn o leiaf £10.

• Mwy am Gerdyn Trên Rhwydwaith Opens new window

Cerdyn Trên i Deulu & Ffrindiau

Mae'r rhain ar gael i unrhyw un er mwyn teithio ar reilffyrdd Prydain. £24 yw cost y cerdyn, ac mae'n galluogi hyd at bedwar oedolyn gael 1/3 oddi ar brisiau y rhan fwyaf o docynnau, a chaiff pedwar plentyn 60 y cant oddi ar y pris plant.

• Mwy am Gerdyn Trên i Deulu & Ffrindiau Opens new window

Cerdyn Trên i Aelodau'r Fyddin

Mae'r rhain ar gael i aelodau gweithredol o'r lluoedd arfog a'u priod ac unrhyw blant dibynnol. £15 yw cost y cerdyn, a chaiff deiliad y cerdyn 1/3 oddi ar brisiau y rhan fwyaf o docynnau.

• Mwy am Gerdyn Trên i Aelodau’r Fyddin Opens new window