Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Teithio a thrafnidiaeth
Diogelwch teithwyr ar y rheilffyrdd
Mae rhai pobl yn teimlo’n anniogel wrth deithio ar drên os bydd torf o bobl neu os byddant yn teithio gyda'r nos. Dylai’r awgrymiadau a gwybodaeth yma eich helpu i gwblhau eich taith gan deimlo'n ddiogel.
Diogelwch personol
Os byddwch yn teithio ar eich pen eich hun:
- cadwch lygad ar eich bagiau
- peidiwch â rhoi'ch waled yn eich poced ôl
- os mai ymweld â'r ardal ydych chi, ceisiwch gadw'ch camera a'ch map o'r golwg cymaint ag y gallwch
Os byddwch yn teithio'n hwyr gyda'r nos:
- edrychwch ar amserlenni fel na fydd raid i chi aros am drên yn hirach nag sydd raid
- daliwch ati i edrych o'ch cwmpas er mwyn gwneud eich hun yn llai o darged i ladron
- arhoswch mewn mannau sydd wedi’u goleuo’n dda
- ceisiwch drefnu bod rhywun yn dod i'ch cyfarfod
Diogelwch ffôn symudol
Mae camau syml y gallwch eu cymryd er mwyn atal eich ffôn symudol rhag cael ei ddwyn, a cheir rhai dulliau o wneud eich ffôn yn anodd ei ddefnyddio os caiff ei ddwyn:
- dylech osgoi siarad ar eich ffôn symudol wrth gerdded
- cyn i chi estyn eich ffôn symudol yn gyhoeddus, edrychwch pwy sydd o'ch cwmpas a rhowch eich hun mewn safle a fydd yn ei gwneud yn anoddach i ladron gael gafael ar y ffôn
- ceisiwch fod mewn man lle gall camerâu Teledu Cylch Cyfyng eich gweld
- cadwch gofnod o fanylion eich ffôn symudol (ei rif cyfeirnod a'i rif PIN)
- defnyddiwch y clo ar fysellbad eich ffôn bob amser
- cofrestrwch eich ffôn symudol â'r darparwr gwasanaeth
- rhowch wybod am ladrad i'r heddlu ac i ddarparwr gwasanaeth eich ffôn symudol cyn gynted ag sy'n bosib
Y Cynllun Gorsafoedd Diogel
Mae'r Cynllun Gorsafoedd Diogel yn darparu cymhelliant i gwmnïau trenau wella diogelwch a thawelu meddwl teithwyr a staff, ac mae'n delio â'r holl reilffyrdd a'r rheilffyrdd tanddaearol sy'n cael eu plismona gan Heddlu Trafnidiaeth Prydain.
Bydd gan orsafoedd achrededig y Cynllun Gorsafoedd Diogel rai, os nad y cyfan, o'r nodweddion canlynol:
- paent gwrth-graffiti
- camerâu cylch cyfyng (CCTV)
- goleuo da
- cynllun clir
- mynedfeydd ac allanfeydd wedi'u marcio'n glir
- arwyddion, mapiau ac amserlenni wedi'u harddangos yn glir
- mannau cymorth i deithwyr
- staff sydd wedi'u hyfforddi'n briodol
Hefyd dylent ymateb i ddigwyddiadau a chyfathrebu'n effeithiol gyda'r teithwyr, ac deithwyr i riportio trosedd.
Beth allwch chi ei wneud am droseddau ar y rheilffyrdd
Heddlu Trafnidiaeth Prydain yw'r heddlu cenedlaethol ar gyfer y rheilffyrdd. Byddant yn darparu gwasanaeth i gwmnïau trenau, eu staff a'u teithwyr ar draws Prydain.
Yn Llundain maent hefyd yn plismona'r Trenau Tanddaearol, rheilffyrdd bach y Dociau a Chyswllt Tramiau Croydon.
Os byddwch yn dyst i drosedd, neu'n dioddef trosedd eich hun, gallwch ffonio Heddlu Trafnidiaeth Prydain ar 0800 40 50 40, neu, os yw'n argyfwng, ffoniwch 999. Gellir cael mwy o wybodaeth am blismona gorsafoedd trên ar wefan Heddlu Trafnidiaeth Prydain.
Mae Gorchmynion Ymddygiad Gwrth-Gymdeithasol bellach ar waith, ac fe'u defnyddir i fynd i'r afael â phroblemau parhaus megis pobl sy'n gwerthu tocynnau am elw, lladron pocedi, cardotwyr a fandaliaid graffiti.
Ymchwilio i ddamweiniau rheilffyrdd
Y Gangen Ymchwilio i Ddamweiniau Rheilffyrdd (RAIB) sy'n gyfrifol am ymchwilio i ddamweiniau neu ddigwyddiadau ar reilffyrdd y DU. Corff annibynnol ydyn nhw sy'n ymchwilio er mwyn gwella diogelwch - ni fyddant yn beio neb. Yn ôl y gyfraith, rhaid i'r RAIB ymchwilio i'r holl ddamweiniau rheilffyrdd sy'n ymwneud a thrên yn mynd oddi ar y traciau neu wrthdrawiad sy'n achosi, neu a allant achosi:
- marwolaeth o leiaf un person
- anaf difrifol i bum person neu fwy
- difrod mawr i'r cerbyd, i'r seilwaith neu i’r amgylchedd
Gall RAIB hefyd ymchwilio i ddigwyddiadau eraill sydd â goblygiadau o ran diogelwch rheilffyrdd, gan gynnwys y rhai hynny a allant fod wedi arwain at ddamwain dan amgylchiadau gwahanol.
Gwefan RAIB yw'r prif gyfrwng i ddosbarthu canfyddiadau o ymchwiliadau i ddamweiniau
Additional links
Cysylltiadau defnyddiol
Allweddumynediad llywodraeth y DU
