Gwefan llywodraeth y DU

Gwnewch yn siŵr eich bod yn teimlo’n hyderus y byddwch yn gallu seiclo’n ddiogel ar y ffordd. Gwnewch yn siŵr

• eich bod yn dewis beic o’r maint a’r math cywir i fod yn gyfforddus ac yn ddiogel
• bod y goleuadau a’r adlewyrchyddion yn cael eu cadw’n lân ac yn gweithio’n iawn
• bod y teiars mewn cyflwr da ac wedi’u pwmpio i’r pwysau a ddangosir ar y teiar
• bod y gêrs yn gweithio’n iawn
• bod y gadwyn wedi’i haddasu a’i hiro’n gywir
• bod y cyfrwy a’r cyrn wedi’u haddasu i’r uchder iawn

Argymhellir eich bod yn gosod cloch ar eich beic.

RHAID i chi

• wneud yn siŵr fod eich brêcs yn effeithlon
• yn y nos, defnyddio goleuadau blaen ac ôl, a chael adlewyrchydd coch ar y cefn

[Cyfreithiau PCUR rheoliadau 6 a 10 & RVLR rheoliad 18]

Gall hyfforddiant seiclo helpu plant ac oedolion fel ei gilydd, yn enwedig yr oedolion hynny sy’n ailafael mewn seiclo, er mwyn meithrin y sgiliau angenrheidiol i seiclo’n ddiogel ar ffyrdd y dyddiau hyn. Mae safon cenedlaethol newydd wedi’i ddatblygu ar gyfer hyfforddiant seiclo ac mae’r Llywodraeth yn hybu’r safon hwn ac yn rhyddhau cyllid er mwyn ei gyflwyno mewn ysgolion.

Dylai pob seiclwr ystyried y manteisio o ddilyn yr hyfforddiant seiclo. Am fwy o wybodaeth, cyslltwch â’ch awdurdod lleol.