Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Gwener, 9 Ionawr 2009

dolenni i dudalennau eraill yn yr adran hon

Pori wrth destun

Pori wrth bobl

Teithio a thrafnidiaeth

Cymorth wrth deithio

Wrth deithio mae adegau y bydd angen cymorth arnoch - naill ai am fod gennych anaf neu anabledd, neu am fod gennych fagiau trwm, pram/coets neu sgwter i symud o gwmpas. Cynlluniwch eich siwrnai yn ofalus i sicrhau eich bod yn cael y cymorth sydd angen arnoch.

Cyn i chi deithio

cynlluniwch y daith yn ofalus
ceisiwch ganfod a oes grisiau ar y daith ai peidio
holwch a fydd gweithwyr i'ch helpu yn yr orsaf pan fyddwch chi'n teithio
rhowch wybod i staff gorsafoedd pryd y byddwch yn cyrraedd (maent yn hapus i helpu ond dylid rhoi gwybod iddynt o leiaf 24 awr ymlaen llaw ynghylch pa fath o gymorth bydd ei angen arnoch)

Gwirio oriau'r staff ac a oes grisiau mewn gorsafoedd National Rail ai peidio Opens new window

Cofiwch:

bydd angen i chi wneud cynlluniau teithio pendant a glynu atynt er mwyn i’r staff gwybod pryd y byddwch yn cyrraedd
os oes gennych fagiau trwm, neu os ydych chi'n defnyddio cadair olwyn, dylech fod yn ymwybodol na all staff eich codi chi na'ch bagiau
gellir gwrthod cymorth os bydd hynny'n eich rhoi chi neu staff y cwmni mewn pery

Pwyntiau cymorth

Mae gan nifer o orsafoedd trenau a gorsafoedd tanddaearol lefydd ar y platfform sy'n cynnig cymorth. Gallant eich helpu â gwybodaeth yn ymwneud â'r trenau sy'n rhedeg, cysylltiadau trenau, ac adfer eiddo coll.

Gallwch ddefnyddio'r pwyntiau cymorth hyn i roi gwybod am sefyllfaoedd brys neu unrhyw beth yr ydych yn amheus ohono, drwy ddefnyddio'r botwm brys i siarad â chysylltydd, sydd â chyswllt uniongyrchol â'r gwasanaethau brys a'r gallu i gynnig cymorth.

Cyfleusterau'r gorsafoedd

Nid oes pwyntiau cymorth a thoiledau ym mhob gorsaf, felly awgrymir eich bod yn holi pa gyfleusterau sydd ar gael yn y gorsafoedd sydd ar eich siwrnai chi cyn i chi deithio.

Mae gwefan Ymholiadau National Rail yn rhoi manylion am y cyfleusterau sydd mewn gorsafoedd ledled Prydain, o ffonau talu, lifftiau, cyfleusterau newid clwt babi, a Theledu Cylch Cyfyng i fagiau sydd wedi cael eu gadael.

Chwilio am gyfleusterau yng ngorsafoedd National Rail Opens new window

Gwybodaeth am drafnidiaeth a chymorth i deithwyr anabl

Gellir cael amrywiaeth o wybodaeth yn ymwneud â thrafnidiaeth i bobl anabl a modurwyr yn adran 'pobl anabl' Directgov.

Cewch wybod am drefniadau arbennig ar gyfer teithwyr anabl neu deithwyr sy'n cael anhawster i symud o ran teithio â thrên neu fysiau moethus dan 'Trafnidiaeth gyhoeddus a chymunedol'.