Gwefan llywodraeth y DU

Beth yw'r peryglon?

Mae peryglon. Ac efallai nad ydy'ch plentyn wedi meddwl am y cyfan ohonynt. Wrth ichi siarad yn ddiffwdan drwy'r sefyllfa gyda'ch plentyn, gallech grybwyll y peryglon posibl canlynol:

• all y defnyddiwr byth fod yn siŵr beth yn union y mae'n ei gymryd
• mae'n annhebygol y bydd yr hyn y mae'n ei brynu'n bur, a fydd eich plentyn ddim yn gwybod gyda beth y mae wedi'i gymysgu
• gallai peidio â gwybod beth yw cryfder yr hyn a brynir arwain at orddos damweiniol
• all eich plentyn ddim bod yn siŵr beth fydd effaith cyffur, hyd yn oed os yw wedi'i gymryd o'r blaen
• yn aml mae'n beryglus iawn cymysgu gwahanol gyffuriau, ac mae hyn yn cynnwys cymryd cyffur ac yfed alcohol
• os bydd nodwyddau, chwistrellau neu offer chwistrellu arall yn cael eu rhannu, mae perygl difrifol y bydd heintiau peryglus yn cael eu lledaenu megis HIV a hepatitis B neu C, a gall chwistrellu niweidio'r gwythiennau hefyd

• Gwybodaeth am y peryglon penodol sy'n gysylltiedig â gwahanol gyffuriau Opens new window

Beth i'w wneud mewn argyfwng

Gall amffetaminau (spîd), canabis, ecstasi, LSD a madarch hud wneud i'r defnyddiwr deimlo'n llawn panig a thyndra weithiau. Os bydd hyn yn digwydd:

Gall heroin, tawelyddion a'r camddefnydd o nwyon, glud ac erosolau wneud i'r defnyddiwr deimlo'n gysglyd iawn. Os bydd hyn yn digwydd:

Siarad am gyffuriau

Os yw plentyn ifanc yn codi'r pwnc, gofynnwch yn ddiffwdan beth y maent yn ei wybod am 'gyffuriau'. Dywedwch y gallant ddod atoch unrhyw bryd os oes ganddynt gwestiynau am gyffuriau a byddwch yn eu hateb. Dywedwch wrthynt am adael i chi wybod os oes unrhyw un yn cynnig cyffuriau iddynt.

Wedi cyrraedd yr ysgol uwchradd, mae'r hyn y bydd eu ffrindiau'n ei feddwl, ei deimlo a'i ddweud yn dod yn bwysicach iddynt. Peidiwch â cheisio bod yn 'cŵl' wrth drafod cyffuriau gyda nhw. Dyma ffordd hawdd o golli'u hymddiriedaeth.

Sefydliadau defnyddiol

Gall sawl sefydliad cenedlaethol roi cymorth a gwybodaeth am gyffuriau a chamddefnyddio cyffuriau:

Talk to Frank

Mae Talk to Frank yn cynnig cyngor di-dâl a chyfrinachol am gyffuriau, drwy'r dydd, bob dydd, i unrhyw un: plant, rhieni, neu'r rhai chwilfrydig hyd yn oed. Mae'r llinell gymorth ar gael mewn 120 o wahanol ieithoedd a bydd cyfieithydd ar gael os oes angen, ffoniwch 0800 77 66 00. Mae gan y wefan ddigonedd o wybodaeth ac awgrymiadau ynghylch sut i ddelio gyda chyffuriau a gall eich cyfeirio at wasanaethau cyffuriau lleol.

• Talk to Frank Opens new window

Release

Mae Release yn darparu llinell gymorth sy'n cynnig cyngor am y defnydd o gyffuriau a materion cyfreithiol, o ddydd Llun i ddydd Gwener, 10:00 am - 5:30 pm. Rhif ffôn 020 7729 9904.

• Gwefan Release Opens new window

Adfam

Mae Adfam national yn cefnogi grwpiau teulu sy'n gweithio gyda chymunedau ar draws y DU, rhif ffôn 020 7553 7640. Mae gan wefan Adfam gronfa ddata gyda gwybodaeth gyswllt ar gyfer grwpiau cymorth lleol.

• Gwefan Adfam Opens new window

Gwasanaethau lleol

Yn lleol, gall eich meddyg teulu eich cyfeirio chi at asiantaethau cwnsela cyffuriau lleol. Dylai fod gan ysgol eich plentyn bolisi ar addysg gyffuriau a rheoli digwyddiadau sy'n gysylltiedig â chyffuriau. Efallai y gall Adran Cyswllt â'r Gymuned eich heddlu lleol ateb eich cwestiynau am y sefyllfa gyffuriau'n lleol, a'r gyfraith.