Gwefan llywodraeth y DU

Cludiant ysgol am ddim – gweld a yw'ch plentyn chi'n gymwys

Rhaid i awdurdodau lleol ddarparu cludiant pan fyddant yn meddwl bod angen hynny er mwyn sicrhau bod plentyn yn cyrraedd yr ysgol. Os oes angen cludiant, yna rhaid ei ddarparu'n ddi-dal.

Yn y rhan fwyaf o achosion, yr awdurdod lleol fydd yn penderfynu pa gludiant sy'n angenrheidiol. Ond bydd gan eich plentyn hawl awtomatig i gael cludiant am ddim:

ac:

Y pellter cerdded statudol yw:

Nid y pellter byrraf ar hyd y ffordd, o anghenraid, yw'r 'pellter cerdded statudol'. Mesurir y daith ar hyd y llwybr byrraf y gall plentyn, gyda chydgerddwr os oes angen, ei gerdded yn weddol ddiogel. O'r herwydd, gall y llwybr a fesurir gynnwys llwybrau troed, llwybrau ceffyl a llwybrau eraill, yn ogystal â ffyrdd cydnabyddedig. Os nad oes llwybr o'r fath, rhaid i'r awdurdod lleol ddarparu cludiant am ddim, waeth beth yw pellter eich cartref o'r ysgol.

• Gwneud cais am gymorth i deithio o'r cartref i'r ysgol Opens new window

Gwneud cais am gymorth i deithio o'r cartref i'r ysgol

Gallwch gael mwy o wybodaeth a/neu wneud cais am gymorth i deithio o'r cartref i'r ysgol ar-lein. Bydd y ddolen isod yn gadael i chi roi manylion ble'r ydych chi'n byw, ac yna'n mynd â chi i'r dudalen berthnasol ar wefan eich awdurdod lleol.

• Gwneud cais am gymorth i deithio o'r cartref i'r ysgol (yn agor ffenestr newydd) Opens new window

Plant gydag anghenion addysgol arbennig neu anableddau

Dylai awdurdodau lleol ystyried unrhyw anabledd neu anghenion addysgol arbennig wrth benderfynu a oes angen cludiant ar eich plentyn.

Os oes gan eich plentyn ddatganiad anghenion addysgol arbennig (AAA) a gofynion o ran cludiant wedi'u nodi arno, bydd rhaid i'ch awdurdod lleol ddiwallu'r gofynion hynny.

• Gwneud cais am gludiant ysgol i blentyn gydag anghenion addysgol arbennig Opens new window

Efallai y bydd cymorth ar gael, hyd yn oed os nad ydych yn gymwys yn awtomatig

Mewn ambell achos, fe all cludiant am ddim fod ar gael i ddisgyblion nad ydyn nhw'n gymwys yn awtomatig. Eich awdurdod lleol fydd yn penderfynu hyn - i gael gwybodaeth am eu polisi, dilynwch y ddolen isod 'Cael gwybod am gymorth i deithio o'r cartref i'r ysgol'.

Er enghraifft, efallai y bydd eich awdurdod lleol yn darparu cludiant i ddisgyblion sy'n byw yn nes na'r pellter cerdded statudol.

• Cael gwybod am gymorth i deithio o'r cartref i'r ysgol Opens new window

Newydd ar gyfer 2007/2008: hawliau estynedig i gael cludiant am ddim

Disgyblion ysgolion cynradd

Ers 1 Medi 2007, mae'r hawl i gael cludiant ysgol wedi ei hymestyn i ddisgyblion:

• sydd rhwng wyth ac un ar ddeg oed
• sy'n dod o deuluoedd ar incwm isel
• sy'n mynd i'w hysgol addas agosaf, ac yn byw mwy na dwy filltir i ffwrdd

• Mwy am Ddeddf Addysg ac Arolygon 2006 Opens new window

Cymorth gyda chostau teithio i rai dros 16

Os yw eich plentyn dros 16 oed ac mewn Addysg Bellach neu yn y chweched dosbarth, mae'n bosib y gall eich awdurdod lleol helpu gyda chostau teithio. Mae gan bob awdurdod lleol ei bolisi ei hun ar gyfer helpu gyda chludiant i rai dros 16.

• Cymorth ariannol i bobl ifanc mewn addysg neu bobl ifanc sy'n hyfforddi
• Mwy am y cymorth sydd ar gael gyda chostau teithio i rai dros 16

Cerdded a beicio'n ddiogel i'r ysgol

Mae 'bysiau cerdded' a 'threnau beicio' yn helpu plant i gerdded neu feicio i'r ysgol yn ddiogel dan oruchwyliaeth oedolion. Mae'r rhain yn ddewis arall cynaliadwy yn lle teithio mewn car, bws neu drên ac maen nhw'n helpu i gadw plant yn iach. Mae'r Adran Drafnidiaeth hefyd wedi ariannu'r rhaglen 'Bikeability' - y cynllun cenedlaethol newydd ar gyfer hyfforddiant seiclo sy'n cael ei gyflwyno yn Lloegr.

• £15m i hybu pwer pedal ar gyfer ffyrdd gwyrddach, iachach a mwy diogel o deithio i'r ysgol
• Gwybodaeth am ysgolion cynaliadwy Opens new window
• Bikeability Opens new window

Teithio cynaliadwy i'r ysgol

Ers 2004, mae'r 'Cynllun Teithio i'r Ysgol', ariannwyd ar y cyd rhwng yr Adran Plant, Ysgolion a Theuluoedd a'r Adran Drafnidiaeth, wedi ceisio cynyddu'r nifer o blant sy'n teithio i'r ysgol mewn modd cynaliadwy.

Dyrennir tua £20 miliwn y flwyddyn i ysgolion drwy grantiau cyfalaf bach er mwyn datblygu cynlluniau teithio. Ceir cefnogaeth ychwanegol o £7.5 miliwn y flwyddyn er mwyn ariannu rhwydwaith o ymgynghorwyr ar deithio i'r ysgol.

Yn ogystal â helpu i hybu ffitrwydd a lefel canolbwyntio'r plant, mae cerdded a beicio yn helpu i leihau'r tagfeydd a achosir wrth gludo plant i'r ysgol - ynghyd â'r damweiniau a'r llygredd cysylltiedig, gan gynnwys allyriadau carbon.

Os nad yw cerdded neu feicio yn opsiwn, mae bysiau ysgol, cludiant cyhoeddus a rhannu ceir yn ddewis arall mwy cynaliadwy yn lle mynd â'r car.

• Cael gwybod am ffyrdd diogel a chynaliadwy o deithio i'r ysgol Opens new window
• Gwybodaeth am ysgolion cynaliadwy Opens new window
• Teithio'n fwy gwyrdd: canllaw cyflym (adran yr amgylchedd a byw'n wyrdd)

Mwy o ddolenni defnyddiol

• Cael gwybodaeth am yr Wythnos Cerdded i'r Ysgol Opens new window