Gwefan llywodraeth y DU

Clybiau chwaraeon ar ôl ysgol a chynlluniau chwarae yn ystod y gwyliau

Bydd llawer o ysgolion yn cynnig chwaraeon yn eu clybiau ar ôl ysgol; mae'n bosib y bydd cynlluniau chwarae yn ystod y gwyliau hefyd yn cynnwys chwaraeon. Mae mwy o wybodaeth ar gael am y rhain gan ysgol eich plentyn neu gan eich awdurdod lleol.

Mae adrannau addysg awdurdodau lleol yn gyfrifol am lawer o gyfleusterau chwaraeon sydd ar gael yn lleol. Mae modd i chi gysylltu â nhw neu ymweld â'u gwefannau i gael mwy o wybodaeth.

Bydd nifer o sefydliadau'n cynnal gwersylloedd chwaraeon neu weithgareddau i blant yn ystod y gwyliau. Gall y rhain fod yn wersylloedd preswyl neu yn ystod y dydd ac fel arfer fe'u bwriedir ar gyfer plant rhwng pump a 17 oed. Bydd rhai gwersylloedd yn cynnig un neu ddau fath penodol o chwaraeon, a bydd eraill yn cynnig amrywiaeth ehangach.

Rhedir gwersylloedd Kings Sports ym mhob cwr o'r DU. Gwersylloedd yn ystod y dydd yw'r rhain a gynhelir yn ystod gwyliau'r haf a'r Pasg am gyfnodau amrywiol. Mae'r gwersylloedd chwaraeon hyn wedi'u cofrestru gydag Ofsted ac maen nhw'n cynnig cymorth i dalu costau ar gyfer nifer penodol o lefydd.

• Cael gwybod am glybiau chwaraeon yn eich ardal leol (adran hamdden ac adloniant)
• Chwilio am glybiau neu gyrff cenedlaethol yn ôl chwaraeon Opens new window
• Gwybodaeth am wersylloedd Kings Sports i blant a sut i ddod o hyd i un yn eich ardal chi Opens new window
• Dod o hyd i'ch awdurdod addysg lleol Opens new window

Cyrff chwaraeon a chyfleusterau y tu allan i'r ysgol

Sport England yw'r brif asiantaeth dan nawdd y llywodraeth yn Lloegr sy'n darparu hyfforddiant a chyfleoedd i bawb ym maes chwaraeon, gan gynnwys plant. Gall y rhain eich helpu i ddod o hyd i gyfleusterau a hyfforddiant yn eich ardal ar gyfer pob math o chwaraeon. Mae'n bosib hefyd bod llawer o gyrff chwaraeon cenedlaethol a chlybiau'n cynnig gweithgareddau penodol a rhaglenni hyfforddi i blant. Gall rhain gynnwys gwersylloedd gwyliau neu sesiynau hyfforddi rheolaidd.

• Cysylltu â Sport England
• Chwilio am gyfleusterau chwaraeon yn eich ardal chi Opens new window
• Chwilio am glybiau neu gyrff cenedlaethol yn ôl chwaraeon Opens new window

Grantiau ac ysgoloriaethau chwaraeon

Cynllun dan nawdd y llywodraeth yw'r Cynllun Chwaraeon Athletwyr Talentog (TASS) sy'n cynnig grantiau i bobl ifanc rhwng 16 a 25 oed. Y syniad y tu ôl i'r grantiau hyn yw rhoi cyfle i ddarpar athletwyr feithrin eu gyrfa ym maes chwaraeon tra'n taro cydbwysedd â'u hymrwymiadau gwaith neu eu bywyd academaidd.

• Cael gwybod am grantiau TASS ac ysgoloriaethau chwaraeon Opens new window

Mwy o ddolenni defnyddiol

• Cael gwybod mwy am gymorth i astudio Opens new window
• Cael gwybodaeth am waith Ymddiriedolaeth Chwaraeon yr Ifanc Opens new window