Gwefan llywodraeth y DU

Ceisio beichiogi

Os ydych yn ceisio beichiogi, mae'n rhaid i chi fod yn ymwybodol bod faint yr ydych yn ei yfed yn gallu gostwng eich lefelau ffrwythlondeb yn ogystal â'ch gallu i feichiogi. Gall yfed yn ormodol, a meddwi yn enwedig, arwain at golli'r babi hyd yn oed yn ystod dyddiau cynnar eich beichiogrwydd. Y peth mwyaf diogel i'w wneud yw peidio ag yfed o gwbl, neu o leiaf yfed tipyn llai o alcohol nag yr ydych yn ei yfed ar hyn o bryd. Os ydych yn ceisio beichiogi, peidiwch ag yfed mwy nag uned neu ddwy unwaith neu ddwy yr wythnos, a pheidiwch â meddwi.

• Gweld faint o unedau alcohol yr ydych yn eu hyfed gyda gwirydd unedau Drink Aware Opens new window
• Paratoi ar gyfer beichiogrwydd a chyngor am feichiogi

Canllawiau alcohol - beth yw uned?

Yn y DU mae un uned yn cynnwys wyth gram o alcohol pur, a chryfder a maint diod sy'n pennu faint o unedau sydd ynddo. Nid yw mor syml ag un diod, un uned. I gael gwybod mwy, ewch i wefan Drinkaware.

• Gweld faint o unedau alcohol yr ydych yn eu hyfed ar wefan Drinkaware Opens new window

Os ydych chi'n feichiog

Cynghorir yn gryf i fenywod beidio ag yfed alcohol yn ystod tri mis cyntaf eu beichiogrwydd oherwydd efallai y bydd mwy o risg o golli'r babi.

Peryglon alcohol

Pan fydd menyw feichiog yn yfed alcohol, mae'r alcohol yn pasio drwy'r brych ac yn gallu effeithio ar ddatblygiad y babi. Mae hyn yn digwydd drwy gydol y beichiogrwydd, nid yn ystod yr wythnosau cyntaf yn unig.

Gall goryfed arwain at y canlynol:

• genedigaeth gynamserol
• pwysau geni isel
• niweidio lles corfforol a meddyliol y plentyn - gelwir hyn yn Syndrom Alcohol y Ffetws

Alcohol a bwydo ar y fron

Bydd alcohol yn cael ei basio i'r babi fesul tipyn drwy gyfrwng llaeth o'r fron. Bydd arogl gwahanol ar y llaeth ac fe allai hyn effeithio ar y modd y mae'r babi'n bwydo, yn cysgu neu'n treulio bwyd. Y cyngor gorau yw osgoi yfed ychydig cyn bwydo'r babi. Pan fydd menywod yn bwydo ar y fron, y terfyn alcohol dyddiol yw rhwng dwy a thair uned. Mae'r terfyn yn berthnasol p'un a ydych yn yfed bob dydd, unwaith neu ddwy yr wythnos, neu o bryd i'w gilydd.

Mwy o wybodaeth a chysylltiadau defnyddiol

Os hoffech gael rhagor o gymorth neu fwy o wybodaeth am alcohol, gallwch holi eich meddyg teulu, neu gysylltu ag unrhyw un o'r mudiadau canlynol:

• Drinkline ar 0800 917 8282 (Dydd Llun i ddydd Gwener rhwng 9.00 ac 11.00 pm)
• Llinell Gymorth Cyffuriau Genedlaethol (Adran Iechyd) ar 0800 77 66 00
• Alcoholics Anonymous ar 0845 769 7555 (Llinell Gymorth Genedlaethol) - gellir dod o hyd i rifau lleol yn y llyfr ffôn neu ar wefan Alcoholics Anonymous

• Alcoholics Anonymous website Opens new window
• Syndrom Alcohol y Ffetws y DU Opens new window

Ysmygu

Bydd ysmygu pan fyddwch yn feichiog nid yn unig yn niweidio'ch iechyd chi, ond gall hefyd niweidio'ch babi. Mae wedi cael ei gysylltu ag amrywiaeth o broblemau iechyd, gan gynnwys:

• genedigaeth gynamserol
• pwysau geni isel
  
• marwolaeth yn y crud, camesgoriad
  
• problemau anadlu/byr o wynt yn ystod y chwe mis cyntaf

Os rhowch chi'r gorau i ysmygu tra byddwch yn feichiog, fe gewch chi lai o salwch bore a llai o gymhlethdodau.

Rhoi’r gorau i ysmygu

Os ydych chi'n ceisio rhoi'r gorau i ysmygu, ceisiwch annog y bobl o'ch cwmpas i wneud yr un fath. Mae mwg ail-law yn cynnwys nwyon gwenwynig, tar a chemegau gwenwynig sy'n niweidiol i chi ac i iechyd eich babi.

Cymorth i roi'r gorau i ysmygu

Dim ond chi all benderfynu rhoi'r gorau i ysmygu, ond gallwch gael cymorth a chefnogaeth i ddal ati i beidio ag ysmygu.

Mae Llinell Gymorth rad ac am ddim y GIG ar Ysmygu yn ystod Beichiogrwydd, 0800 169 9 169, yn wasanaeth cymorth cyfrinachol. Fe fydd person wedi ei hyfforddi'n arbennig yn ateb eich galwad ac yn gwrando ar eich anghenion, yn awgrymu gwahanol ddulliau o roi'r gorau i ysmygu, ac yn gallu anfon pecyn gwybodaeth rhad ac am ddim atoch.

Mae Gwasanaethau Rhoi'r Gorau i Ysmygu'r GIG ar gael yn eich ardal. Mae cymorth arbennig ar gael i famau beichiog a'u partneriaid sy'n ei chael yn anodd rhoi'r gorau iddi. Er mwyn dod o hyd i'ch gwasanaeth lleol, ffoniwch Linell Gymorth y GIG ar Ysmygu yn ystod Beichiogrwydd ar 0800 169 9 169.

• Mwy o wybodaeth am roi'r gorau i ysmygu (adran iechyd a lles)
• Swyddogaeth bwysig partneriaid Opens new window
• Gwybodaeth am ysmygu a beichiogrwydd gan NHS Choices Opens new window

Mwy o ddolenni defnyddiol

• Gwybodaeth am gamddefnyddio alcohol gan NHS Choices Opens new window
• Action on Smoking and Health (ASH) Opens new window