Gwefan llywodraeth y DU

Manteision bwydo ar y fron i fabanod

Mae bwydo ar y fron yn well i'ch babi am y rhesymau canlynol:

• mae llaeth y fron yn naturiol - mae'n fwyd sydd wedi'i gynllunio'n arbennig ar gyfer eich babi
• mae llaeth y fron yn newid wrth i'ch babi dyfu felly bydd yn cael yr union bethau y mae eu hangen arno
• mae bwydo ar y fron yn helpu i amddiffyn eich babi rhag afiechydon oherwydd caiff gwrthgorffynnau eu trosglwyddo i'r llaeth
• argymhellir bwydo ar y fron am y chwe mis cyntaf o fywyd y babi oherwydd ei fod yn rhoi'r holl faeth y mae ei angen ar y babi
• mae babanod sy'n cael eu bwydo ar y fron bum gwaith yn llai tebygol o fynd i'r ysbyty gyda heintiau megis gastroenteritis a heintiadau anadlol
• bydd yn helpu i rwystro eich babi rhag bod yn rhwym
• mae babanod sy'n cael eu bwydo ar y fron yn llai tebygol o gael alergeddau megis ecsema
• mae llaeth y fron yn cynnwys hormonau a ffactorau twf sy'n helpu eich babi i ddatblygu
• mae babanod sy'n cael eu bwydo ar y fron yn llai tebygol o fod yn ordew pan fyddant yn hŷn

Manteision bwydo ar y fron i famau

Mae bwydo ar y fron yn well i famau am y rhesymau canlynol:

• mae am ddim
• nid oes angen sterileiddio poteli, paratoi bwyd na gwneud i'ch babi aros
• gallwch ei wneud unrhyw bryd, unrhyw le
• mae'n llawer haws na bwydo â photel yng nghanol y nos
• bydd eich croth yn dychwelyd i'w maint arferol yn gynt
• byddwch yn defnyddio mwy o galorïau
• mae bwydo ar y fron yn lleihau'r risg o ganser y fron mewn menywod ar ddiwedd y mislif

Os oes gennych broblemau gyda bwydo ar y fron

Mae bwydo ar y fron yn sgìl, ac mae'n rhaid ymarfer pob sgìl newydd. Os ydych chi'n dymuno bwydo ar y fron ond yn ei chael yn anodd, gallwch ofyn i'ch bydwraig am gyngor neu ewch i weld cwnselydd bwydo ar y fron. Fel arall, mae gan wefan bwydo ar y fron NHS Choices awgrymiadau ar sut i fwydo ar y fron a rhestr o linellau cymorth.

• Awgrymiadau ar sut i fwydo ar y fron gan NHS Choices Opens new window
• Llinellau cymorth bwydo ar y fron Opens new window

Bwydo â photel

Gall bwydo â photel ymddangos yn waith caled ar brydiau, ond unwaith y dewch i drefn byddwch yn gallu ymlacio a mwynhau bwydo.

Un fantais o fwydo â photel yw y gall tadau a gofalwyr fwydo eich babi gan roi tipyn o lonydd i chi. Gallwch ddefnyddio fformiwla neu roi llaeth o'r fron mewn potel i'ch babi. Gallech hefyd ddefnyddio cyfuniad o laeth o'r fron wedi'i botelu a fformiwla. Byddai'r holl ddewisiadau hyn yn rhoi'r maeth y mae ei angen ar eich babi.

Cofiwch:

Fformiwla soia, fformiwla llaeth babi am ddim

Dim ond i fabanod sydd ag alergedd i laeth buwch, a dim ond gyda chyngor eich meddyg y dylid rhoi fformiwla soia i fabanod. Mae'n bosib y bydd gennych hawl i gael fformiwla llaeth babi am ddim dan y cynllun Cychwyn Iach

• Dysgu mwy am Cychwyn Iach