Gwefan llywodraeth y DU

Twrnai

Gallwch ofyn i'ch twrnai negodi â'ch partner ar eich rhan, naill ai'n uniongyrchol neu drwy dwrnai eich partner. Efallai y bydd eich twrnai'n awgrymu eich bod yn ceisio defnyddio gwasanaeth cyfryngu er mwyn setlo mater penodol rhyngoch.

Mae rhestr o dwrneiod y gallech fynd atynt ar y we ac yn eich llyfr ffôn lleol.

• Dod o hyd i dwrnai neu gynghorydd cyfreithiol yn eich ardal Opens new window

Llysoedd

Gallwch hefyd wneud cais i'r llys setlo'ch anghydfod i chi. Fodd bynnag, bydd y llys hefyd yn eich annog i ddod i gytundeb rhyngoch os fydd hynny'n bosib. Os na fyddwch wedi gwneud hynny'n barod, efallai y bydd y llys yn awgrymu eich bod yn rhoi cynnig ar ddefnyddio gwasanaeth gyfryngu.

• Mwy o wybodaeth o wefan y Gwasanaeth Llys Opens new window
• Families Need Fathers (FNF) Opens new window

Cyfryngu

Os ydych yn dymuno osgoi mynd i'r llys gyda'ch partner, mae dewisiadau eraill ar gael. Os ydych yn ystyried cael ysgariad, diddymu partneriaeth sifil neu wahanu oddi wrth eich partner, gall cyfryngu eich helpu i ddod i gytundeb ar faterion gofalu am eich plant a rhannu eiddo ac arian.

Gallwch ofyn i gyfryngwr hyfforddedig fod yn drydydd parti diduedd; byddant yn eich helpu i gytuno heb 'ochri' gyda neb. Gallwch ddod o hyd i wasanaethau cyfryngu yn eich ardal chi drwy ffonio'r Llinell Gyfryngu i Deuluoedd ar 0845 60 26 627, neu drwy ymweld â gwefan y Llinell Gyfryngu i Deuluoedd.

• Llinell Gyfryngu i Deuluoedd Opens new window