Gwefan llywodraeth y DU

Cofrestriad Ofsted

Mae'n rhaid i warchodwyr plant a darparwyr gofal dydd, megis grwpiau chwarae, cylchoedd cyn-ysgol, meithrinfeydd preifat, crèches, a chlybiau ar ôl ysgol ar gyfer plant o dan wyth oed, gael eu cofrestru gan Ofsted Early Years (neu, yng Nghymru, gan yr Arolygiaeth Safonau Gofal). Mae cofrestru'n cynnwys archwilio cofnodion troseddol unrhyw un sy'n ymwneud â'r plant ac archwilio'r lleoliad i edrych ar faterion iechyd a diogelwch a lles addysgol.

Gallwch weld a yw gofal plant wedi'i gofrestru drwy ofyn am gael gweld tystysgrif cofrestru'r darparwr, neu drwy gysylltu ag Ofsted. Os oes gennych unrhyw amheuon ynghylch darparwr, holwch eich Gwasanaeth Gwybodaeth Teuluoedd lleol. Gallwch gael rhif eich Gwasanaeth Gwybodaeth Teuluol agosaf drwy ffonio 0800 234 6346. Yn Lloegr, nid oes rhaid i ofal i blant dros wyth oed, na gofal i blant o unrhyw oed sy'n seiliedig ar un neu ddau o weithgareddau, neu sy'n cael ei ddarparu yng nghartref y plentyn (ee nanis), gael ei gofrestru gan Ofsted. Fodd bynnag, os yw'r darparwr yn ateb y gofynion ac yn dymuno cofrestru ar ran wirfoddol Cofrestr Gofal Plant Ofsted, caiff wneud hynny, oni bai bod y gofal plant yn cael ei ddarparu'n uniongyrchol gan ysgol.

• Rhestr A i Z o Wasanaethau Gwybodaeth Teuluoedd, wedi'i ddarparu gan NACIS Opens new window
• gwefan Ofsted - ewch i weld cofrestriad gofalwr eich plentyn neu gael gwybod sut i gofrestru eich hun Opens new window
• Cael gwybod mwy am yr Arolygiaeth Safonau Gofal yng Nghymru Opens new window

Adroddiadau arolygu Ofsted

Mae Ofsted yn cynhyrchu adroddiadau pan fyddant yn arolygu gofal i blant dan wyth oed. Mae'r adroddiadau hyn yn rhoi gwybodaeth fanwl, yn seiliedig ar yr arolygiadau blynyddol.

Pan fydd Ofsted yn archwilio gofal sydd wedi ei gofrestru ar Gofrestr Gofal Plant Ofsted, byddant yn ysgrifennu llythyr sy'n cadarnhau a yw gofynion y cofrestru wedi eu hateb ai peidio.

• Chwilio am adroddiadau arolygu Ofsted yn ôl cod post Opens new window

Cynlluniau Sicrhau Ansawdd Buddsoddwyr mewn Plant

Mae darparwyr gofal plant gydag achrediad mewn cynlluniau Sicrhau Ansawdd Buddsoddwyr mewn Plant wedi dangos ymrwymiad i ofal plant o safon uchel, felly lle bo hynny'n bosib efallai y byddai'n well gennych ddewis un o'r darparwyr hyn.

• Mwy am gynlluniau Sicrhau Ansawdd Buddsoddwyr mewn Plant Opens new window

Gwneud eich gwaith ymchwil eich hun

Mae bob amser yn syniad da ymweld â darparwyr gofal plant eich hunan - bydd barn rhiant yn golygu mwy nag archwiliadau ac achrediadau. Pan fyddwch yn ymweld, cofiwch ofyn digon o gwestiynau. Er mwyn cael syniadau pa fath o gwestiynau y gallech eu gofyn, beth am i chi ymweld â gwefan ParentsCentre?

Os byddwch yn ystyried cyflogi nani, cadwch mewn cof nad yw cynlluniau cofrestru ac achredu dan nawdd y llywodraeth yn berthnasol iddyn nhw. Eich cyfrifoldeb chi, fel rhiant a chyflogwr, yw sicrhau eich bod yn cyflogi nani a fydd yn gwarchod eich plant yn dda.

• Chwilio am ofal plant a meithrinfeydd Opens new window
• Cyngor ymchwil gofal plant gan ParentsCentre Opens new window
• Llwytho'r llyfryn (dogfen PDF) 'Edrych am ofal plant' Opens new window
• Arweiniad ar gyflogi nani gan Cychwyn Cadarn Opens new window

Lleisio pryderon a chwynion

Os oes gennych bryder neu gŵyn na allwch ei datrys gyda'ch darparwr gofal plant cofrestredig, ffoniwch Llinell Gymorth Ofsted’s Early Years Complaints ar 0845 601 4772. Nid yw Ofsted fel arfer yn cael eu cynnwys mewn cwynion yn ymwneud â ffioedd a threfniadau contract.

Mwy o ddolenni defnyddiol

• Mae'r Ddeddf Gofal plant yn gwaranti cychwyn cadarn i genedloedd y dyfodol
• Cael gwybod am gynlluniau gwyliau haf sy'n agos i chi Opens new window