Gwefan llywodraeth y DU

Gallwch drethu eich cerbyd ar-lein neu dros y ffôn os:

• mai chi yw ceidwad cofrestredig y cerbyd ac y caiff eich enw, cyfeiriad ac unrhyw newidiadau i'ch cerbyd eu diweddaru gan yr Asiantaeth Trwyddedu Gyrwyr a Cherbydau
• oes gennych 'Cais am Drwydded Cerbyd/Datganiad Hysbysiad Oddi-ar-y-ffordd Statudol' (ffurflen atgoffa V11) neu Dystysgrif Cofrestru (V5C)
• oes gennych yswiriant dilys sy'n cynnwys defnyddio'r cerbyd ar y diwrnod y bydd y ddisg treth yn dod i rym
• oes gennych MOT dilys, prawf Cerbyd Nwyddau neu Gerbyd Gwasanaeth i Deithwyr (PSV) (os oes ei angen) sy'n ddilys pan ddaw'r ddisg treth i rym
• oes gennych gerdyn debyd neu gerdyn credyd - codir tâl gwasanaeth o £2.50 os byddwch yn defnyddio cerdyn credyd, ni chodir tâl am ddefnyddio cerdyn debyd
• oes gennych DLA404 dilys os oes gennych yr hawl i gael eich eithrio oherwydd anabledd

Gallwch adnewyddu eich treth unrhyw bryd ar ôl pumed diwrnod y mis.

Os yw'n well gennych dalu'r dreth yn ystod diwrnodau olaf y mis, mae bellach yn bosib i chi gael eich eithrio rhag y drosedd o beidio â dangos disg treth. Mae'r eithriad hwn yn cynnwys pum diwrnod gwaith cyntaf y mis ac yn caniatáu amser i'r ddisg newydd gyrraedd yn y post.

I gael eich eithrio, mae'n rhaid cyflwyno ceisiadau cyn i'r ddisg treth neu'r HOS cyfredol ddod i ben.

Beth y mae angen i chi ei wybod

Caiff yswiriant, MOT a'r hawl i gael eich eithrio oherwydd anabledd eu gwirio yn electronig yn ystod y broses o wneud cais. Bydd disg treth a derbynneb ar gyfer y taliad yn cael eu postio atoch o fewn pum diwrnod gwaith.

Caiff yswiriant dilys ar y diwrnod y byddwch am i'r ddisg treth ddod i rym (neu'r dyddiad y byddwch yn gwneud cais amdano, os bydd hyn yn hwyrach) ei wirio gan y Gronfa Ddata Yswiriant Cerbydau sy'n cael ei chynnal gan y Ganolfan Yswirwyr Cerbydau. Os ydych yn adnewyddu eich treth cerbyd a'ch yswiriant ar yr un pryd neu os ydych wedi newid eich cwmni yswiriant yn ddiweddar, mae'n bosib y bydd problemau wrth wirio'r yswiriant wrth aros i'r Gronfa Ddata Yswiriant Cerbydau gael ei diweddaru.

Cyn i chi drethu eich cerbyd, gallwch weld ar-lein os yw'r Gronfa Ddata Yswiriant Cerbydau wedi'i diweddaru. Dim ond i'r diwrnod y byddwch yn gwirio hyn y bydd y canlyniad yn berthnasol.

• Y Gronfa Ddata Yswiriant Cerbydau Opens new window

Pan fyddwch yn barod

Sicrhewch fod y canlynol gennych wrth law:

• y cyfeirnod 16 digid sydd wedi'i nodi yn y blwch melyn ar flaen eich ffurflen atgoffa V11 neu
• y cyfeirnod 11 digid a ddangosir ar du blaen eich Tystysgrif Cofrestru a rhif cofrestru’ch cerbyd
• eich DLA404 os oes gennych yr hawl i gael eich eithrio oherwydd anabledd
• eich cerdyn debyd neu gerdyn credyd

Gwneud cais ar-lein yma

• Gwneud cais am ddisg treth ar-lein Opens new window

Gwneud cais dros y ffôn

Gwnewch gais dros y ffôn ar 0870 850 4444. Ffôn testun/minicom 0870 850 4445.

Methu â defnyddio'r gwasanaeth?

Bydd angen i chi drethu'ch cerbyd yn y ffordd arferol.

• Mwy am sut i drethu’ch cerbyd

Mwy o ddolenni defnyddiol

• Archwilio cofnod MOT Opens new window