Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Gwisgo gwregys diogelwch a'r eithriadau

Mae'n ofynnol yn ôl y gyfraith bod rhaid gwisgo gwregys diogelwch os oes un ar gael. Er eich diogelwch chi ac eraill, dylech ddarllen a deall y gyfraith a dysgu sut i ddefnyddio gwregysau diogelwch, gwregysau i blant, seddau car neu seddau codi i fabanod a phlant yn briodol. Gellir eithrio rhywun rhag gwisgo gwregys diogelwch am resymau meddygol.

Y gyfraith - gwregysau diogelwch a gwregysau i blant

Mae'n ofynnol yn ôl y gyfraith bod gyrwyr a theithwyr dros 14 oed mewn ceir, faniau a cherbydau masnachol eraill yn gwisgo gwregys diogelwch os oes un ar gael. Fel gyrrwr, chi sy'n gyfrifol am sicrhau bod unrhyw un o dan 14 yn gwisgo gwregys diogelwch neu'n defnyddio gwregys plant addas gan gyd-fynd â gofynion y rheoliadau. Ar 18 Medi 2006, newidwyd y gyfraith sy'n ymwneud â phlant yn defnyddio gwregysau diogelwch. Cewch wybod mwy am y gyfraith newydd a'ch cyfrifoldebau fel gyrrwr drwy glicio ar y ddolen isod.

Defnydd cywir o wregysau diogelwch a gwregysau plant

Gallai cymryd amser er mwyn sicrhau eich bod yn defnyddio gwregys diogelwch neu wregys plant yn y modd cywir helpu i achub bywydau a lleihau anafiadau pe digwyddai damwain.

Gwisgo gwregys diogelwch ar fws mini, bws neu fws moethus

Os byddwch chi'n teithio ar fws mini bydd rhaid i chi wisgo gwregys diogelwch os oes un ar gael (neu wregys plentyn os oes un ar gael). Ar fws neu fws moethus, os ydych dros 14 oed rhaid i chi wisgo gwregys diogelwch os oes un ar gael. Mae rheoliadau yn yr arfaeth a fydd yn mynnu bod plant rhwng 3 a 13 oed yn defnyddio gwregysau diogelwch (neu wregysau plant os ydynt ar gael) mewn bysiau a'r bwriad yw cyflwyno'r rheoliadau hyn cyn gynted â phosib.

Eithriadau rhag gwisgo gwregys diogelwch

Efallai y cewch eich eithrio rhag gwisgo gwregys diogelwch am resymau meddygol. Bydd eich meddyg yn rhoi 'Tystysgrif Eithrio rhag Gorfod Gwisgo Gwregys Diogelwch' i chi os bydd yn penderfynu nad yw'n addas i chi wisgo gwregys diogelwch oherwydd rhesymau meddygol. Rhaid dangos y dystysgrif hon os bydd yr heddlu yn gofyn amdani.

  • Contact
    Adran Diogelwch y Ffyrdd
  • Address
    Yr Adran Drafnidiaeth
    Zone 2/11, Great Minster House, 76 Marsham Street
    London
    SW1P 4DR
  • Phone
    020 7944 2046
  • Email
    road.safety@dft.gsi.gov.uk

Gwisgo gwregys diogelwch tra byddwch yn feichiog

Rhaid i chi wisgo gwregys diogelwch os ydych yn feichiog oni bai bod eich meddyg yn tystio y cewch eich eithrio am resymau meddygol. Bydd gwisgo'ch gwregys mewn modd diogel yn help i'ch amddiffyn chi a'r plentyn yn eich croth.

Yn yr adran hon...

Additional links

Allweddumynediad llywodraeth y DU