Gwefan llywodraeth y DU

Trwydded beic modur lawn

Mae dau fath o drwydded beic modur lawn:

• trwydded beic modur ysgafn (A1), sy'n cyfyngu gyrwyr i feiciau hyd at 125 cc a phŵer hyd at 11 kW. Rhaid sefyll y prawf ymarferol ar feic sydd rhwng 75 cc a 125 cc
• trwydded beic modur safonol (A), sy'n cael ei rhoi os yw'r prawf ymarferol yn cael ei sefyll ar feic sydd dros 120 cc ond heb fod yn fwy na 125 cc ac yn gallu cyrraedd o leiaf 100 cya. Ar ôl pasio'r prawf ymarferol sylfaenol ar gyfer beic modur, byddwch yn cael eich cyfyngu i ddwy flynedd yn gyrru beic hyd at 25 kW a chymhareb puer/pwysau nad yw'n fwy na 0.16 kW/kg. Ar ôl hyn fe gewch chi yrru beic o unrhyw faint

Sylwch:

Nid yw'r beic modur BMW C1 yn beiriant addas ar gyfer prawf ymarferol.

Mynediad uniongyrchol a chyflym

Mae dewisiadau eraill gan yrwyr sy'n 21 oed neu'n hŷn, neu sy'n cael eu pen-blwydd yn 21 cyn i'r cyfyngiad dwy flynedd ddod i ben.

Mynediad uniongyrchol

Ar ôl cwblhau CBT a'r prawf theori, gellir sefyll y prawf ymarferol ar feic modur sydd â phŵer sy'n o leiaf 35kW. Mae pasio'r prawf yn caniatáu chi i yrru beic o unrhyw faint. Gellir dilyn rhan neu'r cyfan o gwrs CBT ar feic dysgwr neu ar feic mawr. Efallai y gallech chi ymarfer ar gyfer y prawf ymarferol ar feiciau sydd â manyleb fwy na beic dysgwr ar yr amod:

• fod hyfforddwr cymeradwy gyda chi trwy'r amser ar feic arall, a chithau mewn cysylltiad dros radio
• eich bod yn gwisgo dillad llachar neu ddillad sy'n adlewyrchu golau, ac yn dilyn pob cyfyngiad arall ar y drwydded dros dro

Mynediad cyflym

Os yw gyrwyr yn 21 oed ond o fewn y cyfnod dwy flynedd lle mae'r cyfyngiad o 25 kW ar beiriannau mewn grym, a hwythau'n dymuno gyrru beiciau mwy, rhaid iddynt basio prawf pellach ar feic modur sydd ag o leiaf 35 kW. Gallant ymarfer ar feiciau sydd â dros 25 kW o dan yr un amodau â'r rheiny ar gyfer reidwyr mynediad uniongyrchol. Byddwch yn dychwelyd i statws gyrrwr dan hyfforddiant tra'n ymarfer (ar feic modur sydd â mwy na 25 kW), er na fydd methu'r prawf yn effeithio ar eich trwydded bresennol.

Cerbydau ochr

Gall gyrwyr sy'n dymuno gyrru gyda cherbyd ochr ymarfer ar gyfuniad gyda chymhareb pŵer/pwysau sydd heb fod yn fwy na 0.16 kW/kg. Ar ôl cael trwydded safonol, byddwch wedi'ch cyfyngu i gyfuniad gyda'r un gymhareb pŵer/pwysau am ddwy flynedd. Ar ôl cyrraedd 21 oed, gall dysgwyr, o fewn y cynlluniau mynediad uniongyrchol neu fynediad cyflym yn unig, ymarfer ar gyfuniad mwy, ond rhaid sefyll y prawf ar feic unigol (er y gall gyrwyr gydag anableddau corfforol ddefnyddio cyfuniad).

Mwy o ddolenni defnyddiol

• Dysgu gyrru neu feicio
• Prawf theori
• Prawf ymarferol
• Trefnu prawf theori neu ymarferol ar-lein Opens new window
• Dod o hyd i'ch canolfan agosaf ar gyfer y prawf theori Opens new window
• Dod o hyd i'ch canolfan agosaf ar gyfer prawf ymarferol ar feic modur Opens new window