Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Dewis hyfforddwr gyrru car neu feic modur

Os ydych yn talu rhywun i’ch hyfforddi i yrru, mae’n rhaid iddynt fod wedi’u cofrestru a chymeradwyo â’r DSA.  Hyfforddwr gyrru cymeradwy cymwys (ADI) yn unig sy’n gallu codi tâl am eich dysgu i yrru.

Rhaid i hyfforddwr gyrru cymeradwy cymwys llawn (ADI) ddangos tystysgrif werdd ar ffenestr flaen y car tra'u bod yn eich dysgu. Rhoddir trwydded i rai hyfforddwyr gyrru sydd dan hyfforddiant eu hunain fel y gallant gael profiad cyn eu harholiadau. Yn yr achos hwn, rhaid i'r hyfforddwr gyrru dan hyfforddiant ddangos tystysgrif binc ar ffenestr flaen y car.

Y DSA sy'n gyfrifol am gynnal ac archwilio safonau pob hyfforddwr gyrru cymeradwy (ADI), sy'n gorfod:

  • cael trwydded yrru lawn ers o leiaf bedair blynedd
  • pasio prawf theori llawer caletach na'r prawf cyfatebol i yrwyr dan hyfforddiant
  • pasio prawf gyrru llym
  • cyrraedd a chynnal safon uchel o hyfforddiant. Caiff safon yr hyfforddiant a roddir gan yr ADI ei archwilio'n rheolaidd gan arholwr goruchwylio o'r DSA
  • cofrestru gyda'r DSA
  • arddangos tystysgrif ADI ar ffenestr flaen y cerbyd hyfforddi

Dylech gael cyngor gan eich hyfforddwr am y canlynol:

  • pob agwedd ar yrru
  • pa lyfrau i'w darllen
  • pryd i sefyll eich prawf
  • sut i ymarfer

Nid yw'r DSA, fel un o asiantaethau'r llywodraeth, yn cael argymell hyfforddwyr. Rydym yn awgrymu eich bod yn gofyn i ffrindiau a pherthnasau argymell rhywun. Fe allwch chi hefyd edrych mewn cyfeiriadur busnes lleol am hyfforddwyr yn eich ardal chi. Ceisiwch ddewis hyfforddwr a fydd:

  • ag enw da
  • yn ddibynadwy a phrydlon
  • â char sy'n addas i chi

Dewis hyfforddwr beic modur cymeradwy

Mae'n rhaid i bawb sy'n dysgu gyrru beiciau modur a mopedau gwblhau cwrs hyfforddiant sylfaenol gorfodol (CBT) cyn gyrru ar y ffordd.

Dim ond hyfforddwyr sydd wedi'u cymeradwyo gan yr Asiantaeth Safonau Gyrru sy'n cael dysgu ar gwrs CBT mewn corff hyfforddi cymeradwy (ATB). Rhaid i bob ATB gael hyfforddwyr sydd wedi cwblhau asesiad deuddydd yn llwyddiannus a chael safloedd sydd wedi'u cymeradwyo gan y DSA ar gyfer hyfforddi oddi ar y ffordd.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU