Gwefan llywodraeth y DU

Pwysau heb lwyth

Pwysau heb lwyth unrhyw gerbyd yw pwysau'r cerbyd hwnnw pan na fydd ganddo unrhyw lwyth neu faich. Ystyr hyn yw:

• yr holl gorff a'r darnau sy'n angenrheidiol neu'n cael eu defnyddio fel rheol gyda'r cerbyd neu ôl-gerbyd pan fydd ar y ffordd
• dim dŵr, tanwydd neu groniaduron a ddefnyddir i ddarparu pŵer i yrru'r cerbyd yn ei flaen

Uchafswm màs awdurdodedig

Mae'r term uchafswm màs awdurdodedig (MAM), sydd hefyd yn cael ei alw'n bwysau gros a'r pwysau mwyaf a ganiateir, yn golygu'r pwysau mwyaf ar gyfer y cerbyd i'w ddefnyddio ar y ffordd gan gynnwys y pwysau mwyaf y gall y cerbyd ei ysgwyddo'n ddiogel. Dangosir hwn fel arfer ar blât sydd wedi ei osod ar y cerbyd.

Os yw'n annhebygol y bydd cerbyd yn cael ei ddefnyddio yn cario'i bwysau mwyaf, gellir israddio'r plât, h.y. gellir addasu sbringiau neu gydrannau eraill y cerbyd, er mwyn cario pwysau ysgafnach yn unig. Mae'r uchafswm màs awdurdodedig neu'r pwysau gros yn ffactor wrth benderfynu pa hawl gyrru sy'n angenrheidiol.

Pwysau ar y plât

Dylai'r uchafswm màs awdurdodedig fod wedi'i ddangos ar y plât gwneuthurwr sydd ar y cerbyd. Mae hyn yn golygu bod y marc ar gerbyd nwyddau, drwy blât adran o'r llywodraeth, yn dangos y pwysau mwyaf ar gyfer y cerbyd penodol hwnnw, e.e. uchafswm màs awdurdodeig, ac o dan rai amgylchiadau, y pwysau llusgo.

Pwysau llusgo

Y pwysau llusgo yw MAM y cerbyd a'r ôl-gerbyd mae'n ei dynnu gyda'i gilydd.

Rhagor o wybodaeth

Dylid cyfeirio pob ymholiad ynghylch uchafswm pwysau cerbydau undarn, ôl-gerbydau a cherbydau amaethyddol (ond nid categorïau trwydded yrru) i:

Trafnidiaeth, Adran Safonau a Pheirianneg Cerbydau
Adran Drafnidiaeth
Zone 2/01, Great Minster House
76 Marsham Street
Llundain
SW1P 4DR

E-bost:

• tts.enquiries@dft.gsi.gov.uk Opens new window