Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Sut i ildio'ch trwydded yrru ac ailddechrau gyrru'n ddiweddarach

Mae'r safonau meddygol ar gyfer ffitrwydd i yrru ar gael i bob meddyg eu gweld. Efallai bod eich meddyg eich hun wedi'ch cynghori i beidio gyrru, yn unol â'r safonau hyn.

Ildio eich trwydded yrru

Os yw'ch meddyg wedi'ch cynghori i beidio gyrru, fe allwch chi ildio'ch trwydded yrru i'r Asiantaeth Trwyddedu Gyrwyr a Cherbydau (DVLA). Drwy ildio'ch trwydded, ni fydd angen i'r DVLA wneud ymholiadau meddygol ffurfiol am eich ffitrwydd i yrru. Os oes rhaid i ni wneud ymholiadau meddygol a bod y rhain yn cadarnhau nad ydych yn gallu bodloni'r safonau meddygol angenrheidiol ar addasrwydd i yrru, yna bydd rhaid diddymu eich trwydded. Os ydych chi'n dymuno ildio'ch trwydded yrru, fe allwch chi lwytho a llenwi'r datganiad canlynol (fformat PDF).

Os ydych chi am ildio'n wirfoddol eich hawl i yrru lori neu fws, neu am ddiddymu'r hawl hon at bwrpas yswiriant, bydd angen ffurflen VOC99 arnoch. Gellir llwytho'r ffurflen hon o'r ddolen isod:

Yna, ar ôl i chi ei llenwi, fe allwch ddychwelyd y ddogfen atom drwy'r post, y ffacs neu'r e-bost. Os dewiswch chi anfon yr holiadur dros yr e-bost, cofiwch nad yw hyn yn gyfrwng cyfathrebu diogel, ac nid yw DVLA yn derbyn unrhyw gyfrifoldeb am eich neges e-bost tan ar ôl iddi ei dderbyn. Fe allwch chi bostio, ffacsio ac e-bostio eich dogfennau i'r cyfeiriad a'r rhifau isod:

Grŵp Meddygol y Gyrwyr
DVLA
Abertawe
SA99 1TU
Ffacs: 0845 850 0095
Email: eftd@dvla.gsi.gov.uk

Os byddwch yn penderfynu ailddechrau gyrru ar ôl ildio'ch trwydded yn wirfoddol

Os byddwch yn gwneud cais i gael eich trwydded yrru yn ôl yn y dyfodol ar ôl ei hildio, bydd angen gwneud ymholiadau meddygol. Fodd bynnag, yn ystod yr ymholiadau hyn, mae'r gyfraith yn rhoi hawl i chi yrru dan Adran 88 Deddf Traffig Ffyrdd 1988. Golyga hyn y gallwch ailddechrau gyrru unwaith y derbynnir eich cais gan y DVLA (ar ôl ildio'n wirfoddol), ar yr amod eich bod yn bodloni'r meini prawf canlynol:

  • fod gan y DVLA gais dilys
  • nad ydych ac na fyddech yn cael gwrthod trwydded neu'n cael trwydded wedi'i diddymu am resymau meddygol, a'ch bod yn bodloni'r safonau meddygol ar gyfer bod yn ffit i yrru. Mae'r safonau hyn wedi'u nodi yn y "Canllaw cyflym i'r safonau meddygol presennol ar gyfer bod yn ffit i yrru". Gall pob meddyg gael gafael ar gopi o'r cyhoeddiad hwn, ac felly os oes gennych unrhyw amheuaeth ynghylch eich gallu i fodloni'r safonau, dylech gysylltu â'ch meddyg cyn i chi ailddechrau gyrru
  • rhaid i chi fod wedi meddu ar drwydded Brydeinig neu drwydded Gogledd Iwerddon, neu drwydded arall y gellir ei chyfnewid, er 1 Ionawr 1976
  • rhaid i chi lynu wrth unrhyw amodau arbennig a allai fod yn berthnasol i chi a'r drwydded
  • nad ydych wedi'ch gwahardd rhag gyrru

Yn yr adran hon...

Additional links

Allweddumynediad llywodraeth y DU