Gwefan llywodraeth y DU

Os oes gennych drwydded yrru cerdyn-llun

Bydd angen i chi wneud y canlynol:

• llenwi ffurflen D1 - ‘cais am drwydded yrru’, ar gael gan wasanaeth archebu ffurflenni'r Asiantaeth Trwyddedu Gyrwyr a Cherbydau (DVLA) neu yng nganghennau Swyddfa'r Post®
• amgáu eich trwydded yrru cerdyn-llun, y papur manylion a'r ffi briodol (does dim angen cynnwys llun newydd)
• os yw'ch enw wedi newid, bydd angen i chi hefyd ddarparu dogfennau gwreiddiol yn cadarnhau eich enw newydd
• anfon yr holl ddogfennau i DVLA, Abertawe SA99 1BU

Os oes gennych drwydded yrru bapur

Bydd angen i chi wneud y canlynol:

• llenwi ffurflen D1 - ‘cais am drwydded yrru’, ar gael gan wasanaeth archebu ffurflenni'r Asiantaeth Trwyddedu Gyrwyr a Cherbydau (DVLA) neu mewn rhai o ganghennau Swyddfa'r Post®
• darparu dogfennau gwreiddiol yn cadarnhau pwy ydych chi
• amgáu llun maint pasport, eich trwydded yrru bapur a'r ffi briodol
• anfon eich holl ddogfennau at DVLA, Abertawe, SA99 1BU neu gallwch ddefnyddio'r gwasanaeth gwirio premiwm a geir yng nghanghennau Swyddfa'r Post® neu mewn swyddfeydd DVLA lleol

• Gwasanaeth archebu ffurflenni DVLA Opens new window
• Dogfennau adnabod a'r gofynion ar gyfer y llun
• Cost trwydded yrru
• Gwasanaeth gwirio premiwm

Pryd i ddisgwyl eich trwydded yrru newydd

Nod DVLA yw sicrhau eich bod yn derbyn eich trwydded yrru o fewn tair wythnos i ni dderbyn eich cais. Bydd yn cymryd mwy o amser os oes rhaid archwilio cyflwr eich iechyd a'ch manylion personol. Gadewch o leiaf dair wythnos i’ch trwydded yrru gyrraedd cyn cysylltu â DVLA.

Pan fyddwch yn derbyn eich trwydded, bydd sawl nodwedd newydd arni o ran diogelwch. Un o'r prif newidiadau ar y drwydded fydd y llun du a gwyn ohonoch a grëir gan laser.

• Egluro’r drwydded yrru cerdyn-llun

Gyrru cyn i'ch trwydded gael ei dychwelyd

Cewch yrru cyn cael eich trwydded, cyn belled â bod y canlynol yn wir:

• mae gennych drwydded Gwledydd Prydain neu drwydded Gogledd Iwerddon, neu drwydded gyfnewid arall, a honno gennych er 1 Ionawr 1976
• nid ydych wedi'ch gwahardd rhag gyrru
• na fyddai DVLA yn gwrthod rhoi trwydded i chi am resymau meddygol neu am fethu â chydymffurfio ag ymholiadau meddygol
• ni fyddai DVLA yn gwrthod rhoi trwydded i chi am resymau meddygol (os oes gennych amheuaeth, holwch eich meddyg)
• rydych yn bodloni unrhyw amodau arbennig sy’n berthnasol i'r drwydded