Gwefan llywodraeth y DU

Yr ydym wastad yn ceisio gwella ein gwasanaeth, ac yr ydym wedi creu ffordd i chi dderbyn y gwybodaeth fwyaf cywir sydd wedi ei selio ar eich anghenion unigol yn lle y cynnwys isod. Os yn bosib, defnyddiwch ein hofferyn rhyngweithiol a rhowch eich sylwadau i ni ar ôl i chi orffen os gwelwch yn dda.

Mae trwyddedau sy'n cael eu rhoi yn y Gymuned Ewropeaidd ac yn Ardal Economaidd Ewrop yn ffurfio dau grŵp sy'n cael eu trin yn gyfartal. Y rhestr lawn yw:

Yr Almaen, Awstria, Bwlgaria, Denmarc, y Deyrnas Unedig, yr Eidal, Estonia, y Ffindir, Ffrainc, Groeg, Gweriniaeth Cyprus, Gwlad Belg, Gwlad yr Iâ, Gwlad Pwyl, Hwngari, yr Iseldiroedd, Iwerddon, Latfia, Liechtenstein, Lithwania, Lwcsembwrg, Malta, Norwy, Portiwgal, Rwmania, Slofenia, Slofacia, Sbaen, Sweden, y Weriniaeth Tsiec.

Os oes gennych chi drwydded ddilys y gymuned a chithau'n ymweld â Gwledydd Prydain, fe gewch chi yrru unrhyw gerbyd os yw eich trwydded yn ddilys. Rhaid bod gennych hawl lawn i yrru'r cerbyd dan sylw a hynny wedi'i ddangos ar eich trwydded.

Os oes gennych chi drwydded ddilys y gymuned, fe nodir isod am ba mor hir y cewch chi yrru ym Mhrydain. Ar y llaw arall, fe gewch chi gyfnewid eich trwydded am un Brydeinig ar unrhyw adeg.

Ar yr amod bod eich trwydded yn parhau'n ddilys, cewch yrru ym Mhrydain

Deiliaid trwyddedau gyrru car, beic modur (trwydded yrru gyffredin):

Yn meddu ar drwydded yrru lori, bws mini neu fws (trwydded yrru alwedigaethol):

Er mwyn parhau i yrru ar ôl hyn, rhaid i chi gael trwydded yrru Brydeinig.

Mae'n rhaid i bawb sy'n byw yng Ngwledydd Prydain sydd â thrwydded y gymuned a hawl alwedigaethol gofrestru eu manylion gyda'r Asiantaeth Trwyddedu Gyrwyr a Cherbydau (DVLA). I gael rhagor o wybodaeth, cysylltwch â hwy ar 0870 240 0009.

Gall gyrwyr cerbydau bach gofrestru hefyd, os ydynt yn dymuno. Er mwyn cofrestru, dylai gyrwyr roi gwybod i'r DVLA beth yw eu henw, eu cyfeiriad a'u hawliau gyrru. Bydd gyrwyr sy'n cofrestru yn derbyn eu trwydded yn ôl ynghyd â dogfen papur manylion y DU. Byddai hyn yn eu galluogi i ddefnyddio'r system cosb benodol ar gyfer troseddau traffig, yn hytrach na gorfod mynd i'r llys.

Rhaid i chi roi gwybod i'r DVLA am gyflyrau a oedd arnoch cyn i chi ddod i Wledydd Prydain, hyd yn oed os ydych chi wedi rhoi gwybod i'r awdurdodau amdanynt eisoes, ynghyd ag am unrhyw gyflyrau rydych chi wedi dod yn ymwybodol ohonynt yn ddiweddar. Gan amlaf, bydd y rheolau'r un fath â'r rheolau yng ngwledydd eraill y GE/AEE, er y gall fod ambell wahaniaeth. Yn y gwledydd hyn, mae'r safonau ar gyfer y golwg yn uwch i yrwyr galwedigaethol.

Er mwyn sefyll prawf gyrru yng Ngwledydd Prydain mae'n rhaid i chi wneud un o'r canlynol:

• gwneud cais am ddogfen papur manylion trwydded yrru (D58/2) drwy lenwi D9 (ar gael o'r llysgenadaethau neu gan y DVLA) ac amgáu trwydded yrru'r gymuned, a gaiff ei dychwelyd atoch. Rhoddir y ddogfen drwydded dros dro yn rhad ac am ddim. Fodd bynnag, rhaid talu'r ffi briodol a rhaid ildio trwydded y gymuned wrth ei chyfnewid am drwydded Brydeinig er mwyn cael hawliau llawn
• cyfnewid eich trwydded gymuned am y drwydded gyfatebol Brydeinig a gofyn am yr hawl dros dro briodol

Gall pawb sydd â thrwydded y gymuned gyda hawl categori B hefyd yrru cerbydau penodol yng Ngwledydd Prydain, sydd wedi'u heithrio o'r gofynion trwyddedu gyrwyr cerbydau mawr arferol. Mae'r rhain yn cynnwys bysiau mini nad ydynt yn rhai masnachol ac sy'n cael eu gyrru'n wirfoddol, bysiau mini gyda hawlen a cherbydau mawr fel cerbydau amaethyddol a cherbydau adeiladu ffyrdd. Ceir rhagor o fanylion am y cerbydau hyn a'r amodau sy'n berthnasol i'w gyrru yn y daflen ffeithiau "Trefniadau Trwyddedu Arbennig ar gyfer Gyrwyr Cerbydau Mawr" sydd ar gael gan y DVLA.