Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Y Cynllun Cymeradwyaeth Cerbyd Sengl

Archwiliad cyn-cofrestru yw'r cynllun Cymeradwyaeth Cerbyd Sengl ar gyfer ceir a cherbydau nwyddau ysgafn sydd heb gael eu cymeradwyo yn ôl math i safonau Prydeinig neu Ewropeaidd. Prif bwrpas y cynllun yw sicrhau bod y cerbydau hyn wedi cael eu dylunio a'u hadeiladu i safonau diogelwch priodol cyn y gellir eu defnyddio ar ffyrdd cyhoeddus.

Pa gerbydau sy'n gorfod cael prawf Cymeradwyaeth Cerbyd Sengl?

Bydd eich cerbyd yn cael prawf Cymeradwyaeth os yw'n un o'r canlynol:

  • Wedi'i Fewnforio'n Fasnachol
  • Wedi'i Fewnforio'n Bersonol
  • Wedi'i Adeiladu gan Amaturiaid
  • Yn Gerbyd Foliwm Isel (VLV)
  • Wedi'i adeiladu gan ddefnyddio darnau o hen gerbyd cofrestredig
  • Yn Hers
  • Yn Gerbyd Arfog
  • Wedi'i Ailadeiladu
  • Yn Gerbyd Gyriant Llaw Chwith (wedi'i fewnforio)

Mae'r prawf Cymeradwyaeth hefyd yn berthnasol i garafanau modur ac ambiwlansys.

Y Cynllun Cymeradwyaeth Cerbyd Sengl Uwch

Mae'r prawf Cymeradwyaeth Uwch yn gofyn am dystiolaeth ychwanegol o gydymffurfiaeth â safonau Cymeradwyaeth Math y CE (neu rai safonau cyfatebol eraill) ar gyfer deg prif ran allweddol y cerbyd. Maent i gyd yn berthnasol i gerbydau cludo teithwyr a dim ond rhai ohonynt sy'n berthnasol i gerbydau nwyddau. Rhaid i gerbydau a gafodd eu hadeiladu ar ôl y dyddiad a nodwyd gael y prawf Uwch.

Meysydd Allweddol

  • Angorfeydd gwregysau diogelwch (1/7/1991) (Cludo Teithwyr)
  • Llywio Gwarchodol (1/7/1991) (Cludo Teithwyr)
  • Sŵn ac Offer Distewi (1/7/1991) (Cludo Teithwyr a Nwyddau)
  • Gollyngiadau o'r Egsôst (1/1/1993) (Cludo Teithwyr a Nwyddau)
  • Brêcs (1/4/1995) (Cludo Teithwyr a Nwyddau)
  • Gosodiadau gwregysau diogelwch (1/7/1997) (Cludo Teithwyr)
  • Defnyddio Tanwydd/CO2 (1/1/1997) (Cludo Teithwyr)
  • Dyfais Atal Lladron (1/10/1998) (Cludo Teithwyr)
  • Amddiffyniad Blaen mewn Gwrthdrawiad (1/10/2003) (Cludo Teithwyr)
  • Amddiffyniad Ochr mewn Gwrthdrawiad (1/10/2003) (Cludo Teithwyr)

Dangos Cydymffurfiaeth

Mae pum ffordd sylfaenol o ddangos cydymffurfiaeth:

Dangos bod y Safonau Cymeradwyo Ewropeaidd wedi'u bodloni - drwy, er enghraifft, y rhif Cymeradwyo Math ar y plât Rhif Adnabod Cerbyd neu dystiolaeth ddogfennol gan y gwneuthurwr (Cydymffurfio â Chyfarwyddeb)

  1. Dangos bod safonau cyffelyb (er nad ydynt yn rhai Ewropeaidd) wedi'u bodloni. (Safonau Cyffelyb)
  2. Prawf cymhariaeth gyda math o gerbyd sydd wedi'i gymeradwyo (Prawf Cymhariaeth)
  3. Cynnal prawf go-iawn i safon briodol y Gyfarwyddeb (Prawf Cyfarwyddeb)
  4. Defnyddio Adroddiad Model er mwyn gwirio bod gan y cerbyd yr un fanyleb ag un sy'n bodloni'r safonau. (Adroddiad Model)

Adroddiadau Model a'r Cynllun Cymeradwyaeth Cerbyd Sengl

Defnyddir Adroddiad Model ar gyfer prawf Cymeradwyaeth Uwch pan fo ymgeisydd eisiau dangos cydymffurfiaeth ar gerbyd arall, ar sail un neu nifer o Brofion Cyfarwyddeb neu Brofion Cymhariaeth a gynhaliwyd yn wreiddiol ar "brif" gerbyd.

Er mai'r Asiantaeth Gwasanaethau Cerbydau a Gweithredwyr (VOSA) sy'n llunio'r adroddiad, mae'n defnyddio data a gynhyrchwyd gan Labordy Profi y talwyd amdano gan berchennog yr Adroddiad Model a hwnnw hefyd wnaeth ddarparu'r "prif" gerbyd i'r labordy. Bydd y rhan fwyaf o berchnogion Adroddiadau Model yn eu llogi i ymgeiswyr sydd ddim eisiau ysgwyddo'r gost o gynnal eu profion labordy eu hunain.

Cynllun Cymeradwyaeth Cerbyd Sengl i Feiciau Modur

Ers 17eg Mehefin 2003 bu'n rhaid i feiciau modur, cerbydau tair-olwyn a cherbydau pedair-olwyn ysgafn gydymffurfio â chynllun Cymeradwyaeth Math Cerbyd Cyfan y Gymuned Ewropeaidd (ECWVTA). Heb gydymffurfio, ni ellir cofrestru cerbydau i'w defnyddio yng Ngwledydd Prydain. Oni ellir dangos Tystysgrif Cydymffurfio â ECWVTA, yna bydd y cerbyd yn gorfod cael prawf cynllun Cymeradwyo Cerbyd Sengl i Feiciau Modur cyn y gellir rhoi'r drwydded gyntaf. Pe na bai'r Cymeradwyaeth i Feiciau Modur ar gael, yr unig ffordd i gofrestru ym Mhrydain fyddai Cymeradwyaeth Math lawn, sy'n broses ddrudfawr a llafurus ac a fyddai i bob pwrpas yn rhoi diwedd ar gofrestru cerbydau os nad ydynt yn cydymffurfio â'r ECWVTA (e.e. cerbydau wedi'u haddasu'n arbennig, wedi'u hadeiladu gan amaturiaid ac wedi'u mewnforio o'r tu allan i AEE).

Am ragor o wybodaeth am y Cynllun Cymeradwyaeth Cerbyd Sengl a'r Cynllun cyfatebol i Feiciau Modur, ewch i wefan yr Asiantaeth Gwasanaethau Cerbydau a Gweithredwyr (VOSA). Yno hefyd gallwch ddarllen y newyddion diweddaraf am y cynllun, cael atebion i rai cwestiynau cyffredin a chael canllawiau i'r prawf.

Yn yr adran hon...

Additional links

Allweddumynediad llywodraeth y DU