Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Moduro
Cyngor am brynu cerbyd
Os byddwch chi'n prynu cerbyd yn breifat, ac y canfyddir yn ddiweddarach ei fod wedi'i ddwyn, efallai na fydd gennych hawl i fod yn berchen arno. Os brynwch chi gerbyd newydd sydd wedi cael ei gofrestru yn barod, mae’n rhaid i’r deliwr dychwelyd y Dystysgrif Cofrestru (V5c) ar unwaith er mwyn i chi allu cofrestru’r cerbyd yn eich enw chi. Fe allech chi golli'r cerbyd ynghyd â'r arian a daloch chi amdano. Gallai'r cyngor canlynol eich helpu i osgoi troseddau sy'n ymwneud â cherbydau
Hysbysebion a mynd i weld cerbyd
- byddwch yn wyliadwrus o rifau ffôn symudol, gan ei bod bron yn amhosibl eu holrhain
- gall hysbysebion sy'n gofyn i chi ffonio ar amser penodol olygu mai i flwch ffôn y byddwch yn gwneud hynny - byddwch yn amheus
- trefnwch i weld y cerbyd yng ngolau dydd, yn ddelfrydol yng nghartref y gwerthwr
- peidiwch â chytuno os bydd y gwerthwr am ddod â'r cerbyd i'ch cartref chi neu i fan cyhoeddus fel gorsaf wasanaethau ar draffordd
- sicrhewch fod y perchennog yn gyfarwydd â'r cerbyd ac yn gwybod sut mae popeth yn gweithio
Dogfennau
- peidiwch byth â phrynu cerbyd heb ddogfen neu dystysgrif gofrestru (sy'n cael ei galw'n 'dystysgrif gofrestru') hyd yn oed os yw'r gwerthwr yn dweud bod honno wedi'i hanfon i'r DVLA i'w newid
- dylech ddal y dystysgrif gofrestru o dan y golau - dylai marc dŵr y DVLA fod rhwng yr haenau o bapur; gofalwch nad marc dŵr ffug sydd yma wedi'i argraffu ar wyneb y papur
- nid dogfen berchnogaeth mo'r dystysgrif gofrestru, ac nid y person a enwir o anghenraid yw'r perchennog cyfreithiol
- sicrhewch fod gan y person sy'n gwerthu'r cerbyd yr hawl i wneud hynny
Gofalu bod manylion y cerbyd yn ddilys
- penderfynu pa fath o gerbyd a pha fodel y mae gennych ddiddordeb ynddo a chanfod ble y dylech ddod o hyd i rif adnabod y cerbyd (VIN)
- gofalwch fod rhif adnabod 17 nod y cerbyd yn cyd-fynd â'r rhif ar y dystysgrif gofrestru
- byddwch yn amheus os oes awgrym fod y rhif adnabod wedi'i newid mewn unrhyw ffordd
- os nad yw'r rhif adnabod yno, holwch pam
- dylai'r rhif adnabod fod wedi'i stampio mewn ffordd wastad rhywle ar y cerbyd, yn aml o dan y boned neu ar y panel llawr ar ochr y gyrrwr. Gofalwch nad oes dim o'i amgylch yn awgrymu ei fod wedi'i newid mewn unrhyw ffordd
- mae rhif cofrestru 'Q' yn dynodi fod oedran neu fanylion cerbyd yn anhysbys. Fe allai'r cerbyd fod wedi'i ailadeiladu o wahanol ddarnau, ac efallai na fydd y cyfan ohonynt yn newydd. Mae'r un peth yn wir am gerbydau sydd wedi'u mewnforio heb dystiolaeth i ddynodi oedran y cerbyd
- os yw rhif cofrestru neu ran o'r rhif adnabod wedi'i ysgythru ar y ffenestr, gofalwch ei fod yr un peth â'r rhif ar y dystysgrif gofrestru
Pethau i'w harchwilio ar y cerbyd
- edrychwch yn ofalus o dan unrhyw sticeri - fe allant fod yn cuddio ysgythriad
- ai'r un yw rhif yr injan a'r rhif ar y dystysgrif gofrestru?
- a yw'r injan wedi'i newid neu wedi'i haddasu mewn unrhyw ffordd?
- a yw'r cloeon yn wahanol? (Bydd lladron yn aml yn newid cloeon sydd wedi'u difrodi)
- a oes unrhyw arwyddion o dorri i mewn?
- a yw'r cap sy'n cloi'r twll petrol wedi'i agor heb yr allwedd ac a oes un newydd yn ei le?
Cael rhywun proffesiynol i archwilio'r cerbyd
- dylech ystyried mynd â rhywun annibynnol sy'n gymwys i archwilio'r cerbyd gyda chi
Cael archwiliad
- dylech ystyried gwirio'r wybodaeth am y cerbyd drwy wasanaethau'r DVLA ar-lein a thros y ffôn, a thrwy gwmnïau archwilio cerbydau preifat
ac yn olaf
- peidiwch byth â thalu gydag arian parod
- byddwch yn sicr eich meddwl cyn prynu - os oes gennych unrhyw amheuaeth, cerddwch i ffwrdd
Rhagor o wybodaeth
Gellir cael rhagor o wybodaeth a chyngor yn y taflenni rhad ac am ddim, 'The Car-Buyer's Guide' a 'Steer Clear of Car Crime', sydd ar gael o swyddfeydd DVLA lleol neu gan eich Swyddog Atal Troseddu lleol (cysylltwch â'ch gorsaf heddlu leol am ragor o wybodaeth).
Additional links
Gweler hefyd...
Ei wneud ar y we
Allweddumynediad llywodraeth y DU
