Gwefan llywodraeth y DU

Cyfraddau treth ar ddifidendau 2007-2008

Mae dau fath gwahanol o gyfraddau Treth Incwm ar ddifidendau'r DU. Mae'r gyfradd yr ydych yn ei thalu'n dibynnu ar a yw eich incwm trethadwy cyffredinol (ar ôl lwfansau) yn dod o fewn terfyn y gyfradd Treth Incwm sylfaenol neu'n uwch.

Terfyn y gyfradd Dreth Incwm sylfaenol yw £34,600 ar gyfer blwyddyn dreth 2007-2008.

Nid oes ots pa un a ydych yn cael difidendau gan gwmni, ymddiriedolaeth fuddsoddi neu gwmni buddsoddi penagored, gan y trethir pob difidend yn yr un ffordd.

(Ond cofiwch fod 'llog a ddosberthir' o ymddiriedolaethau buddsoddi a chwmnïau buddsoddi penagored yn cael ei drethu yn ôl y cyfraddau ar gyfer incwm o gynilion - gweler isod.)

Treth ar incwm o gynilion

Mae tri math gwahanol o gyfraddau Treth Incwm ar incwm o gynilion: 10 y cant, 20 y cant neu 40 y cant. Bydd y gyfradd/cyfraddau a dalwch yn dibynnu ar eich incwm trethadwy cyffredinol.

• Treth ar gyfrifon banc a chymdeithasau adeiladu
• Gweld ffigurau diweddaraf Cyllid a Thollau EM ar gyfraddau treth Opens new window

Sut caiff difidendau eu talu

Pan fyddwch yn cael eich difidend, byddwch hefyd yn cael taleb sy'n dangos:

Os ydych wedi cytuno i'ch difidendau gael eu talu'n electronig, efallai y cewch eich taleb ar ffurf papur neu electronig.

Deall credyd treth difidendau

Mae cwmnïau'n talu difidendau i chi o elw y maent eisoes wedi talu treth arno (neu elw y maent i fod i dalu treth arno). Mae'r credyd treth yn rhoi ystyriaeth i hyn ac mae ar gael i'r cyfranddaliwr ar gyfer ei osod yn erbyn unrhyw Dreth Incwm a all fod yn ddyledus ar eu hincwm difidend.

Wrth adio'ch incwm trethadwy cyffredinol, bydd angen ichi gynnwys y difidend(au) a dderbyniwyd ynghyd â'r credyd(au) treth. Eich 'incwm difidend' yw'r enw ar yr incwm hwn.

Sut y cyfrifir credydau treth

Mae'r difidend a delir i chi yn cynrychioli 90 y cant o'ch 'incwm difidend'. Credyd treth yw'r 10 y cant sy'n weddill o'r incwm difidend. O'i roi fel arall, mae'r credyd treth yn cynrychioli 10 y cant o'r incwm difidend.

Talu treth ar incwm difidend

Os ydych yn talu treth ar y gyfradd sylfaenol neu is

Does dim treth i'w thalu ar eich incwm difidend oherwydd yr atebolrwydd treth yw 10 y cant - yr un maint â'r credyd treth - fel a ddangosir yn y tablau.

Os ydych yn talu treth ar y gyfradd uwch

Rydych yn talu cyfanswm o 32.5% o dreth ar incwm difidend sydd uwchben y terfyn ar gyfer y gyfradd Dreth Incwm sylfaenol (£34,600 ar gyfer blwyddyn dreth 2007-2008). Ond oherwydd bod 10 y cant cyntaf y dreth sy'n ddyledus ar eich incwm difidend eisoes wedi'i gyflenwi gan y credyd treth, dim ond 22.5 y cant sydd arnoch chi mewn gwirionedd.

Sylwch fod incwm difidend, fel incwm cynilion, yn cael ei drethu'n ôl eich cyfradd dreth uchaf chi. Os bydd yn disgyn y naill ochr i derfyn y dreth gyfradd uwch o £34,600, bydd yn cael ei drethu'n rhannol ar 10 y cant (a'i gyflenwi gan y credyd treth) ac yn rhannol ar 32.5 y cant (llai 10 y cant credyd treth).

Allwch chi hawlio'r credyd treth os nad ydych yn talu treth fel arfer?

Na. Allwch chi ddim hawlio'r credyd treth o 10 y cant, hyd yn oed os yw eich incwm trethadwy'n llai na'ch lwfansau personol a chithau ddim yn talu treth. Y rheswm yw nad oes Treth Incwm wedi'i didynnu o'r difidend a dalwyd ichi - yr unig beth yr ydych wedi'i gael yw 'credyd' o 10 y cant yn erbyn unrhyw Dreth Incwm sy'n ddyledus.

Datgan incwm difidend ar eich ffurflen dreth

Os ydych yn llenwi ffurflen dreth fel arfer, byddwch yn llenwi tri blwch:

Byddwch yn talu unrhyw dreth ychwanegol naill ai drwy Hunanasesiad neu TWE (Talu Wrth Ennill - PAYE), yn ddibynnol ar sut yr ydych yn talu treth fel arfer.

• Oes angen i chi lenwi ffurflen dreth?
• Hunanasesiad - eich ffurflen dreth

Mwy o ddolenni defnyddiol

• Dysgu mwy am wahanol fathau o gynilion a buddsoddiadau
• Cynllunio eich arian personol
• Canllaw syml i drethi
• Adennill treth
• Treth ar eiddo ac incwm rhent
• Gweld cyfraddau treth cyfredol Cyllid a Thollau EM Opens new window