Gwefan llywodraeth y DU

Pan fyddwch yn derbyn eich bil treth neu eich Datganiad Hunanasesu

Os nad ydych yn siŵr a yw'r swm yn gywir

Os nad ydych yn sicr a yw eich bil yn gywir, mae'n syniad da dechrau drwy fynd drwy'r ffigurau ar eich ffurflen dreth. Os ydych wedi ychwanegu 0 i'ch incwm yn ddamweiniol, bydd gennych fil sy'n fwy o lawer nag y dylai fod.

Gallech hefyd edrych i wneud yn siŵr nad ydych wedi defnyddio ffigurau dros dro ar eich ffurflen - os ydych wedi gwneud hynny, bydd eich bil wedi'i seilio ar y ffigurau hynny. Bydd angen i chi gyflwyno’r ffigurau cywir er mwyn addasu'r bil.

Os yw ffigurau eich ffurflen dreth yn gywir, efallai fod eich bil yn cynnwys cosbau neu daliadau ychwanegol oherwydd i chi anfon eich ffurflen i mewn yn hwyr. Bydd unrhyw daliadau o'r fath yn ymddangos ar eich Datganiad Hunanasesu.

• Deall eich Datganiad o Gyfrif
• Dyddiadau cau ar gyfer dychwelyd y ffurflen dreth a thalu

Os yw'r swm yn gywir ond nad ydych yn gallu talu

Os yw'r bil yn gywir ond nad ydych yn gallu ei dalu, dylech gysylltu â'r Swyddfa Dreth a anfonodd y cais am daliad atoch ar unwaith. Neu gallwch ffonio'r Llinell Gymorth Taliadau ar 1274 539 628 rhwng 8.00 am a 5.00 pm, o ddydd Llun i ddydd Gwener.

Os byddwch yn anwybyddu eich bil bydd Cyllid a Thollau EM yn eich ffonio beth bynnag. Os byddwch yn parhau i'w anwybyddu, gallant gymryd camau cyfreithiol i gael yr arian. Hyd yn oed os mai nhw sy'n cysylltu â chi yn gyntaf gallwch ofyn iddynt ystyried cytuno ar drefniant talu.

Edrychir ar bob achos yn unigol ond fel arfer:

• bydd disgwyl i chi dalu'r cyfan mewn un swm yn syth os gallwch
• os na allwch dalu'r cyfan ar unwaith efallai y cewch ragor o amser i dalu - naill ai fel un swm neu drwy randaliadau
• os anwybyddwch y broblem neu os na allwch wneud trefniant talu, bydd camau cyfreithiol yn cael eu cymryd i gasglu'r hyn sy'n ddyledus gennych

Trefniadau talu - eich hawliau

Bydd Cyllid a Thollau EM yn ystyried unrhyw drefniant talu y byddwch yn ei awgrymu. Os ydych yn meddwl bod Cyllid a Thollau EM wedi'i wrthod heb ei ystyried yn iawn, gallwch gwyno ond chewch chi ddim apelio yn erbyn eu penderfyniad.

• Sut i gwyno wrth Gyllid a Thollau EM

Os ydych wedi derbyn bil ond heb ddychwelyd eich ffurflen dreth

Ni fydd Cyllid a Thollau EM yn ystyried unrhyw drefniant talu nes i chi ddychwelyd unrhyw ffurflenni sydd heb eu hanfon ar amser.

Os nad ydych chi wedi dychwelyd eich ffurflen(ni):

• byddwch wedi cael cosb am ffeilio'ch ffurflen yn hwyr
• bydd Cyllid a Thollau EM wedi amcangyfrif eich bil
• efallai y bydd yn rhaid i chi dalu mwy o gosbau - hyd yn oed os ydych wedi talu'r dreth a amcangyfrifwyd - nes ffeilir y ffurflen

Os ydych wedi derbyn llythyr rhybudd ynghylch cymryd camau cyfreithiol

Os na fyddwch yn talu ar ôl i Gyllid a Thollau EM eich ffonio, bydd y swyddfa adennill leol yn ysgrifennu atoch. Cewch eich rhybuddio y byddant yn cymryd camau cyfreithiol yn eich erbyn i gasglu'r hyn sydd arnoch chi os ydych yn parhau i beidio â thalu. Gallwch barhau i wneud cynnig i dalu.

• Dyledion treth a'r broses gyfreithiol - dysgu mwy

Cyngor am ddim os na allwch chi dalu eich bil treth

Os hoffech chi drafod eich bil treth gyda rhywun, gallwch gael cyngor am ddim gan Gyngor Ar Bopeth neu TaxAid, elusen sy'n helpu pobl gyda phroblemau treth nad ydynt yn gallu fforddio talu am gyngor.

• Cyngor gan Gyngor Ar Bopeth (CAB) am broblemau treth Opens new window
• Cyngor am ddim am broblemau treth gan Taxaid Opens new window

Mwy o ddolenni defnyddiol

• Treth a dyledion eraill sy'n ddyledus i Gyllid a Thollau EM
• Mwy am Reoli dyled