Gwefan llywodraeth y DU

Lle i gael y ffurflen hawlio

Mae sawl ffordd o gael ffurflen hawlio. Gallwch wneud y canlynol:

• gofynnwch am un yn y 'Pecyn Rhodd' a roddir i famau newydd yn yr ysbyty
• cwblhewch ffurflen hawlio Budd-dal Plant ar y sgrîn a'i hargraffu - bydd angen i chi ei hanfon at y Swyddfa Budd-dal Plant
• argraffwch ffurflen hawlio Budd-dal Plant wag a'i llenwi â llaw

Cyn i chi gwblhau ffurflen hawlio, darllenwch y nodiadau sydd i fynd gyda hi er mwyn eich helpu i'w chwblhau.

Os byddwch yn cael problemau cael gafael ar ffurflen hawlio, a'ch bod yn ffonio o'r DU, cysylltwch â Llinell Gymorth Budd-dal Plant ar 0845 302 1444 neu ffôn testun 0845 302 1474. Mae'r llinell gymorth ar agor rhwng 8.00 am ac 8.00 pm, saith diwrnod yr wythnos, ac eithrio Dydd Nadolig, Gŵyl San Steffan a Dydd Calan.

Os byddai'n well gennych siarad Cymraeg, gallwch ffonio ar 0845 302 1489 ac os ydych yn ffonio o'r tu allan i'r DU ffoniwch + 44 161 210 3086

• Cael gafael ar ffurflen hawlio Budd-dal Plant ar y sgrîn a'i hargraffu (PDF, 714K) Opens new window
• Cael ffurflen hawlio Budd-dal Plant wag i'w hargraffu (PDF, 116K) Opens new window
• Cael ffurflen hawlio Budd-dal Plant Gymraeg ar y sgrîn a'i hargraffu (PDF, 944K) Opens new window
• Help gyda'r ffurflen hawlio Budd-dal Plant Opens new window
• Cymorth gyda ffeiliau PDF

Pryd y dylid hawlio Budd-dal Plant

Ni all Cyllid a Thollau EM ôl-ddyddio eich Budd-dal Plant fwy na tri mis o'r dyddiad y byddant yn cael eich cais. Felly byddai'n well gwneud eich cais ar unwaith er mwyn osgoi colli arian.

Dylech hawlio Budd-dal Plant ar unwaith:

• pan gaiff eich plentyn ei eni
• pan ddaw plentyn yr ydych chi'n gyfrifol amdano i fyw gyda chi
• os byddwch yn mabwysiadu plentyn sy'n byw gyda chi
• os byddwch yn dechrau talu tuag at gostau gofalu am eich plentyn oni bai ei fod yn byw gyda rhywun arall sydd eisoes yn cael Budd-dal Plant

Os yw eich plentyn wedi marw a'ch bod am hawlio Budd-dal Plant ar ei gyfer, dylech wneud hynny o fewn tri mis i'r dyddiad y bu farw eich plentyn.

• Mwy am Fudd-dal Plant os yw eich plentyn wedi marw Opens new window

Pwy gaiff hawlio?

Gall unrhyw un sy'n magu plentyn hawlio. Y fam sy'n gwneud hyn fel arfer, ond nid yw hyn yn ofynnol.

Pa waith papur y bydd ei angen arnoch

Bydd angen un o'r tystysgrifau canlynol arnoch ar gyfer eich plentyn pan fyddwch yn hawlio:

• tystysgrif geni
• tystysgrif geni a gewch ar ôl mabwysiadu
• tystysgrif mabwysiadu

Mae'n rhaid cael y dystysgrif wreiddiol, ni dderbynnir llungopïau.

Os nad yw'r dystysgrif gennych, anfonwch eich ffurflen hawlio at Gyllid a Thollau EM beth bynnag. Byddant yn gofyn i chi anfon y dystysgrif nes ymlaen.

Nid oes angen i chi anfon tystysgrifau at Gyllid a Thollau EM ar gyfer unrhyw blentyn arall sydd gennych (neu rywun arall) yr ydych wedi cael Budd-dal Plant ar eu cyfer yn y gorffennol.

• Budd-dal Plant a thystysgrifau geni a mabwysiadu Opens new window

Beth i'w wneud nesaf

Unwaith y byddwch wedi cwblhau eich ffurflen hawlio, anfonwch hi, yn ogystal â'r dystysgrif, at:
Child Benefit Office (Washington)
Freepost
NEA 10463
PO Box 133
Washington
NE38 7BR

Mwy o ddolenni defnyddiol

• Pryd i ddisgwyl eich taliad Budd-dal Plant cyntaf Opens new window
• Sut y gall hawlio Budd-dal Plant ddiogelu eich Pensiwn y Wladwriaeth Opens new window