Gwefan llywodraeth y DU

Pwy sy'n gymwys?

Os ydych chi'n 60 oed neu'n hŷn

Os ydych chi'n 60 oed neu'n hŷn, a chithau'n byw yng ngwledydd Prydain, fe allai fod gennych hawl i'r elfen 'Credyd Gwarant' (sy'n gwarantu lleiafswm incwm i chi os ydych chi ar incwm isel) os yw un o'r rheolau canlynol yn berthnasol i chi:

• os ydych chi'n sengl a bod eich incwm wythnosol o dan £124.05
• os oes gennych bartner a bod eich incwm wythnosol ar y cyd o dan £189.35

Yr ydym yn defnyddio ‘partner’ i gyfeirio at eich gŵr, gwraig neu bartner sifil, neu’r person yr ydych yn byw gyda fel pe bai yn ŵr, gwraig neu bartner sifil.

Ond os oes gennych gyfrifoldebau gofalu, eich bod yn ddifrifol anabl neu fod gennych gostau eraill sy'n ymwneud â'ch cartref, fe allech gael mwy o Gredyd Pensiwn.

Os ydych chi'n 65 oed neu'n hŷn

Os ydych chi neu’ch partner yn 65 oed neu'n hŷn, fe allech fod yn gymwys i gael yr elfen 'Credyd Cynilion' os yw un o'r pethau canlynol yn berthnasol i chi:

• os ydych chi'n sengl a bod cyfanswm eich incwm wythnosol arian sydd gennych yn dod mewn felpensiynau, cynilion, enillion a buddsoddiadau rhwng £91.20 a £174 yr wythnos
• bod gennych bartner a bod cyfanswm eich incwm wythnosol o arian sydd gennych yn dod mewn fel pensiynau, cynilion, enillion a buddsoddiadau ar y cyd rhwng £145.80 a £255 yr wythnos

I gael cyngor cyffredinol, gallwch ffonio'r llinell gymorth Credyd Pensiwn ar 0800 99 1234 neu ffôn testun 0800 169 0133, ar agor rhwng 8.00 am ac 8.00 pm o ddydd Llun i ddydd Gwener.

Beth sy'n cyfri fel incwm?

Dyma'r incwm sy'n cyfri:

• Pensiwn y Wladwriaeth
• pensiynau galwadigaethol a phreifat
• rhan fwyaf o fudd-daliadau nawdd cymdeithasol fel Lwfans Gofalwr

• 'incwm tybiedig' o £1 yr wythnos am bob £500 (neu ran o £500) o 'gyfalaf' sydd gennych dros £6,000 neu dros £10,000 os ydych chi'n byw'n barhaol mewn cartref gofal (mae cyfalaf yn cynnwys cynilion a buddsoddiadau, polisïau yswiriant bywyd, ac eiddo nad yw'n brif gartref i chi)
• enillion ar ôl treth a chostau a geir drwy weithio i rywun arall neu i chi'ch hun, llai hanner unrhyw gyfraniad pensiwn galwedigaethol neu bersonol a wnewch chi
• Credyd Treth Gwaith

Dyma'r incwm sy'n cael ei anwybyddu:

• Lwfans Gweini
• Bonws Nadolig
• Lwfans Anabledd Difrifol Eithriadol
• Pensiwn Atodol Rhyfel i Wraig Weddw

I gael rhestri llawn, gallwch ffonio'r llinell gymorth Credyd Pensiwn ar 0800 99 1234 neu ffôn testun 0800 169 0133.

• Lwfans Gweini (adran pobl anabl)

Faint fyddwch chi'n ei gael?

Yn 60 oed neu’n hŷn – yr elfen Credyd Gwarant

Os ydych chi'n sengl, fe gewch y gwahaniaeth rhwng £124.05 a chyfanswm eich incwm wythnosol os yw'n llai na hyn.

Os ydych chi'n byw gyda phartner, fe gewch y gwahaniaeth rhwng £189.35 a chyfanswm eich incwm wythnosol chi'ch dau os yw'n llai na hyn.

Ond os oes gennych gyfrifoldebau gofalu, eich bod yn ddifrifol anabl neu fod gennych gostau eraill penodol sy'n ymwneud â'ch cartref, fe allech gael mwy o Gredyd Pensiwn.

Yn 65 oed neu'n hŷn - yr elfen Credyd Cynilion

Os ydych chi neu’ch partner yn 65 oed neu'n hŷn, mae'n bosib bod gennych hawl i gael credyd gwarant, credyd cynilion neu'r ddau.

Swm mwyaf y credyd cynilion yw:

• £19.71 yr wythnos os ydych chi'n sengl
• £26.13 yr wythnos os oes gennych bartner

I weld faint o Gredyd Pensiwn Gewch chi - defnyddiwch y cyfrifiannell Credyd Pensiwn.

• Cyfrifiannell Credyd Pensiwn Opens new window

Sut mae'n cael ei dalu

Telir y Pensiwn Credyd yn syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Os ydych wedi'ch cofrestru'n ddall, neu os oes angen i'r sawl sy'n gofalu amdanoch gasglu'r arian, anfonir siec atoch y gellir ei chyfnewid am arian yn Swyddfa'r Post®.

• Y gwahaniaeth rhwng Taliad Uniongyrchol a 'thaliadau uniongyrchol'

Yr effaith ar fudd-daliadau eraill

Os ydych chi'n cael Credyd Pensiwn, mae'n bosibl eich bod hefyd yn gymwys i gael:

Os ydych chi'n cael Budd-dal Tai neu Fudd-dal Treth Gyngor mae'n bosibl y cewch chi lai ohonynt os byddwch chi'n derbyn Credyd Pensiwn. Ond dylech chi ddal i fod ar eich elw'n hawlio Credyd Pensiwn.

• Cysylltu â’ch canolfan bensiynau agosaf Opens new window
• Cysylltu â Chanolfan Byd Gwaith Opens new window

Sut i wneud cais

Dros y ffôn

Gallwch ffonio'r Gwasanaeth Pensiwn ar 0800 99 1234 neu ffôn testun 0800 169 0133 (llinellau ar agor rhwng 8.00 am ac 8.00 pm o ddydd Llun i ddydd Gwener.

Bydd ymgynghorydd ar gael i'ch helpu i wneud cais am Gredyd pensiwn a rhoi gwybod i chi beth fydd yn digwydd nesaf.

Budd-dal Tai a Budd-dal Treth Gyngor

Gall y Gwasanaeth Pensiwn eich helpu chi hefyd os byddwch chi'n gwneud cais am Fudd-dal Tai a Budd-dal Treth Gyngor yr un pryd ag y byddwch chi'n gwneud cais am Gredyd Pensiwn.

• Budd-dal Tai
• Budd-dal Treth Gyngor

Llwytho ffurflen oddi ar y we a'i hargraffu

Gallwch lwytho ffurflen oddi ar y we, ei hargraffu a'i llenwi ac yna'i phostio am ddim i'ch canolfan bensiynau.

• Llwytho'r ffurflen gais am Gredyd Pensiwn a'r nodiadau i'ch helpu (dogfen PDF, 731K) Opens new window
• Cymorth gyda ffeiliau PDF

Llwytho ffurflen oddi ar y we a'i llenwi ar y sgrîn

Neu llenwch ffurflen gais ar-lein ac yna'i phostio am ddim i'ch canolfan bensiynau.

• I ble y dylech anfon eich ffurflen gais Opens new window

Beth i'w wneud os bydd eich amgylchiadau'n newid

Soniwch wrth eich canolfan bensiynau os bydd eich amgylchiadau'n newid, er mwyn sicrhau eich bod yn derbyn y swm iawn yn eich Credyd Pensiwn.

• Cysylltu â'r Gwasanaeth Pensiwn Opens new window

Sut i apelio

Os gwrthodwyd Credyd Pensiwn i chi neu os ydych chi'n meddwl eich bod wedi derbyn y swm anghywir, gallwch ofyn i'r swyddfa a fu'n delio gyda'ch hawliad ailystyried eu penderfyniad. Os ydych chi'n dal i fod yn anhapus gyda'r canlyniad, gallwch apelio i Dribiwnlys Apêl Unedig annibynnol.

Mae mwy o wybodaeth am y broses apelio yn llyfryn yr Adran Gwaith a Phensiynau 'Os credwch fod ein penderfyniad yn anghywir'.

• Llwytho llyfryn yr Adran Gwaith a Phensiynau: 'Os credwch fod ein penderfyniad yn anghywir' (PDF, 195K) Opens new window
• Cymorth gyda ffeiliau PDF

Mwy o ddolenni defnyddiol

• Lwfans Gofalwr (adran gofalu am rywun)
• Budd-daliadau wedi ymddeol
• Taliad Tywydd Oer
• Gweithio'n rhan-amser ar ôl i chi ymddeol