Gwefan llywodraeth y DU

Cael rhagolwg o bensiwn personol neu bensiwn cwmni

Gallwch ofyn i ddarparwr eich pensiwn am ragolwg o beth fydd eich pensiwn yn ei dalu pan fyddwch yn ymddeol. Efallai mai eich cyflogwr yw darparwr eich pensiwn os ydych yn cyfrannu at gynllun pensiwn cwmni (galwedigaethol), neu ddarparwr eich pensiwn personol.

Bydd darparwr eich pensiwn yn anfon gwybodaeth benodol atoch yn rheolaidd - e.e. datganiad blynyddol o werth eich cronfa bensiwn. Dylai hwn gynnwys rhagolwg o incwm eich pensiwn adeg ymddeol.

Cofiwch mai dim ond amcangyfrif yw'r rhagolwg, sy'n seiliedig ar nifer o dybiaethau, gan gynnwys:

Gallai'r holl ffactorau hyn newid unrhyw bryd, a'r amser hynny efallai y bydd angen rhagolwg newydd arnoch.

Cael rhagolwg o'r Pensiwn gewch chi gan y Wladwriaeth

Bydd rhagolwg Pensiwn y Wladwriaeth yn dweud wrthoch gwerth cyfredol eich pensiwn gan y wladwriaeth a pha incwm y gallwch ei ddisgwyl ar ôl cyrraedd oed Pensiwn y Wladwriaeth wedi'i seilio ar eich cofnod Yswiriant Gwladol hyd yn hyn a rhagdybiaethau wedi'u wneud o amgylch unrhyw gyfraniadau byddwch efallai yn gwneud yn y dyfodol cyn i chi gyrraedd oedran Pensiwn y Wladwriaeth.

• Cael gwybod mwy ynghylch cael rhagolwg o’r Pensiwn gewch chi gan y Wladwriaeth Opens new window

Cael Rhagolwg Cyfunol o'ch Pensiwn

Yn aml mae'n ddefnyddiol cael syniad o'r holl incwm y gallwch ei ddisgwyl wrth ymddeol.

Mae Rhagolwg Cyfunol o’ch Pensiwn yn rhoi amcangyfrif o’ch incwm cyfan mewn ymddeoliad wrth gyfuno manylion o’ch pensiwn personol neu alwedigaethol gyda’ch rhagolwg Pensiwn y Wladwriaeth. 

Mae Rhagolwg Cyfunol o’ch Pensiwn yn darparu ar sail wirfoddol gan cyflogwyr a darparwyr pensiwn mewn partneriaeth gyda’r Gwasanaeth Pensiwn.  Bydd rhaid i chi edrych i weld os yw eich cynllun neu gyflogwr yn cymryd rhan yn y gwasanaeth.

Dod o hyd i hen bensiwn

Os ydych wedi colli trywydd cynllun pensiwn personol neu gwmni ac yn ansicr o'r manylion, fel arfer gall y Gwasanaeth Olrhain Pensiynau helpu i'w olrhain a hynny am ddim.

Cysylltwch â'r Gwasanaeth Olrhain Pensiynau ar 0845 6002 537 (rhwng 9 am a 6 pm o ddydd Llun i ddydd Gwener), ar +44 191 218 2466 o du allan y DU drwy ffôn testun ar 0845 3000 169; neu drwy lenwi ffurflen gais ar-lein ar wefan y Gwasanaeth Pensiwn.

• Olrhain cynllun pensiwn ar-lein Opens new window

Os ydych yn poeni am eich rhagolwg

Os ydych yn poeni nad ydych efallai yn talu digon i'ch pensiwn, gall cyfrifiannell pensiwn ddangos beth fyddai'n digwydd petaech yn talu mwy.

Os penderfynwch gyfrannu mwy, siaradwch â'ch cyflogwr (os oes gennych bensiwn cwmni) neu ddarparwr eich pensiwn personol ynghylch cynyddu'ch taliadau.

Os cewch broblemau'n cael rhagolwg gan ddarparwr eich pensiwn, neu os ydych yn bryderus fod eich cronfa'n cael ei rheoli'n wael, gallwch gysylltu â nifer o gyrff.

• Cwyno am broblemau gyda'ch cynllun pensiwn
• Defnyddio cyfrifiannell oed Pensiwn y Wladwriaeth ar wefan y Gwasanaeth Pensiwn Opens new window

Mwy o ddolenni defnyddiol

• Cael gwybod a fyddwch yn talu treth neu beidio ar ôl ymddeol
• Mwy am bensiynau'n gyffredinol