Gwefan llywodraeth y DU

Y gwahaniaeth rhwng CBC a banc neu gymdeithas adeiladu

Mae banciau a chymdeithasau adeiladu yn sefydliadau preifat. Pan fyddwch yn arbed arian gyda banc neu gymdeithas adeiladu, caiff eich arian fel arfer ei ailfuddsoddi er mwyn gwneud elw, a gaiff wedyn ei rannu rhwng cyfranddalwyr y sefydliad a/neu'r aelodau.

Mae CBC yn adran o'r llywodraeth sy'n cynnig cynlluniau cynilo a buddsoddi i'r cyhoedd. Nid yw yr un fath â chynilo gyda banc neu gymdeithas adeiladu. Rydych yn benthyca eich arian i'r llywodraeth yn hytrach, er mwyn ariannu gwariant cyhoeddus. Gan fod Trysorlys EM yn cefnogi CBC, gallwch fod yn dawel eich meddwl bod eich holl gyfalaf yn gwbl ddiogel, faint bynnag y byddwch yn ei fuddsoddi.

Mathau o gynlluniau cynilo CBC

Mae CBC yn cynnig unarddeg o wahanol gynhyrchion ar hyn o bryd. Mae’r rhain wedi’u rhannu’n gategorïau fel a ganlyn:

Di-dreth

Mae rhai o gynhyrchion CBC yn ddi-dreth. Golyga hyn nad oes yn rhaid i chi dalu Treth Incwm y DU na Threth Enillion Cyfalaf ar unrhyw log neu wobrau a gewch.

Ar hyn o bryd, mae’r rhain fel a ganlyn:

• Bondiau Premiwm
• Tystysgrifau Cynilo Mynegrifol
• Tystysgrifau Cynilo Llog Sefydlog
• ISA Arian
• ISA Uniongyrchol
• Bondiau Bonws Plant

• Mwy am gynilion di-dreth gan CBC Opens new window

Cynnyrch sy'n cynnig elw sicr

• Bondiau Twf Sicr
• Tystysgrifau Cynilo Mynegrifol
• Tystysgrifau Cynilo Llog Sefydlog

Incwm

• Bondiau Incwm Sicr
• Bondiau Incwm

Cyfrifon cynilo

• Cyfrif Buddsoddi
• Cyfrif Cynilo ar Ffurf Hwylus
• ISA Arian
• ISA Uniongyrchol

Mwy o wybodaeth

Mae nifer y cynhyrchion sydd ar gael a'u manylion yn newid o bryd i'w gilydd. Gallwch gael yr wybodaeth ddiweddaraf drwy ymweld â gwefan CBC isod, neu drwy gael taflenni o Swyddfa'r Post ac mewn rhai siopau WHSmith.

Os ydych yn credu bod gennych fuddsoddiad nad yw'n cael ei werthu gan CBC bellach ac yr hoffech gael rhagor o wybodaeth, yna ewch i'r dudalen 'Cynhyrchion nad ydynt ar werth bellach' ar wefan CBC isod.

Neu, gallwch ffonio CBC ar 0845 964 5000 - mae'r llinellau ar agor saith niwrnod yr wythnos, rhwng 7.00am a hanner nos. Ni fydd galwadau'n costio mwy na 4c y funud o linell gyffredin BT, gall cyfraddau darparwyr eraill amrywio. Gall galwadau gael eu recordio.

• Cynhyrchion a gynigir gan Gynilion a Buddsoddiadau Cenedlaethol ar hyn o bryd Opens new window
• Ymweld â gwefan CBC Opens new window
• Cynhyrchion CBC nad ydynt ar werth bellach Opens new window

Penderfynu a ddylid buddsoddi gyda CBC ai peidio

Os ydych yn chwilio am rywle i gynilo sy'n sicrhau bod eich cynilion yn ddiogel, gallai CBC fod yn ddewis da. Fodd bynnag, efallai y dylech ystyried dewisiadau cynilo a buddsoddi eraill os byddai'n well gennych fentro mwy am y cyfle i gael mwy o arian yn ôl.

Beth bynnag fo'ch amgylchiadau, mae'n bwysig eich bod yn ystyried yr holl ddewisiadau sydd ar gael cyn penderfynu lle i roi eich cynilion. Os oes gennych unrhyw amheuaeth, cysylltwch ag ymgynghorydd ariannol annibynnol.

• Cymorth i ddod o hyd i ymgynghorydd ariannol annibynnol - gwefan CBC Opens new window
• Gwybodaeth am CBC gan yr Awdurdod Gwasanaethau Ariannol Opens new window
• Mwy o gyngor ar gynilion gan yr Awdurdod Gwasanaethau Ariannol Opens new window

Agor cyfrif

Os byddwch yn penderfynu nad ydych am gynilo gyda CBC, ewch i wefan CBC a defnyddiwch eu canllaw ar-lein i helpu i ddod o hyd i'r cynnyrch cynilion gorau ar eich cyfer chi.

• Canllaw ar-lein CBC 'Help i benderfynu' Opens new window

Gallwch hefyd ffonio llinell ymholiadau cwsmeriaid CBC ar 0845 964 5000, rhwng 7.00 am a hanner nos, saith niwrnod yr wythnos. Ni fydd galwadau'n costio mwy na 4c y funud o linell gyffredin BT, gall cyfraddau darparwyr eraill amrywio. Gall galwadau gael eu recordio.

Gallwch agor cyfrif neu fuddsoddi:

• ar-lein (ar wahân i Fondiau Bonws Plant a Chyfrif Buddsoddi)
• dros y ffôn (ar wahân i Fondiau Bonws Plant)
• drwy'r post
• yn bersonol - mewn canghennau Swyddfa'r Post (ar wahân i ISA Uniongyrchol a Bondiau Incwm)

• Mwy am wneud cais am gynhyrchion CBC Opens new window

Mwy o ddolenni defnyddiol

• Treth ar gyfrifon banc a chymdeithasau adeiladu
• Cynilo a buddsoddi gydag ISAs
• Mwy am log banc a chymdeithas adeiladu Opens new window
• Arweiniad i log ar gyfrifon banc a chymdeithas adeiladu (dogfen PDF, 564K) Opens new window
• Cymorth gyda ffeiliau PDF