Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Bonws Nadolig

Mae'n bosib y gallwch gael Bonws Nadolig, y taliad untro di-dreth o £10 a delir cyn y Nadolig. Ar gyfer 2008, bydd taliad di-dreth ychwanegol o £60 yn cael ei dalu'n awtomatig i'r cwsmeriaid hynny sy'n cael budd-dal cymwys yn yr wythnos sy'n dechrau ar 22 Rhagfyr 2008. Bydd hwn yn cael ei dalu rhwng Ionawr 2009 a Mawrth 2009.

Pwy sy’n gymwys?

I gael Bonws Nadolig, rhaid i chi fod yn byw yn y DU, Ynysoedd y Sianel, Ynys Manaw, Gibraltar neu yn unrhyw un o wledydd Ardal Economaidd Ewrop, neu'r Swistir, a bod gennych hawl (oni bai eich bod yn gohirio eich Pensiwn gan y Wladwriaeth) i o leiaf un o'r budd-daliadau canlynol yn yr wythnos sy’n dechrau ar 22 Rhagfyr 2008:

  • Lwfans Gweini
  • Lwfans Gweini Cyson
  • Lwfans Cyflogaeth a Chymorth yn seiliedig ar Gyfraniadau
  • Lwfans Byw i'r Anabl
  • Budd-dal Analluogrwydd ar y gyfradd tymor hir
  • Budd-dal Marwolaeth Ddiwydiannol
  • Lwfans Gofalwr
  • Atodiad Symudedd
  • Credyd Pensiwn – elfen gwarant
  • Pensiwn y Wladwriaeth (yn cynnwys Pensiwn Graddedig)
  • Lwfans Anabledd Difrifol
  • Atodiad neu Lwfans i'r Anghyflogadwy
  • Pensiwn Anabledd Rhyfel os ydych chi'n 65 oed neu'n hŷn
  • Pensiwn Rhyfel Gwraig Weddw
  • Pensiwn Gwraig Weddw
  • Lwfans Mam Weddw
  • Lwfans Rhiant Gweddw

Faint gewch chi?

Un taliad o £10 yw'r Bonws Nadolig. Ar gyfer 2008, bydd taliad ychwanegol o £60 yn cael ei dalu rhwng Ionawr 2009 a Mawrth 2009.

Os ydych chi'n un o bâr priod neu ddibriod neu bartneriaeth sifil a bod gan y ddau ohonoch yr hawl i un o'r budd-daliadau cymwys, bydd y ddau ohonoch yn derbyn taliad Bonws Nadolig ac, ar gyfer 2008, y £60 ychwanegol.

Bydd eich partner neu'ch partner sifil hefyd yn cael taliadau os yw'r ddau bwynt canlynol yn berthnasol:

  • mae'r ddau ohonoch dros oed Pensiwn y Wladwriaeth erbyn y dydd Llun cyntaf ym mis Rhagfyr (ar gyfer y taliad £60 mae angen i chi fod dros oed Pensiwn y Wladwriaeth erbyn 22 Rhagfyr 2008)
  • roedd eich partner neu'ch partner sifil hefyd yn preswylio yn y DU, Ynysoedd y Sianel, Ynys Manaw, Gibraltar, yn un o wledydd Ardal Economaidd Ewrop neu yn y Swistir yn yr wythnos lawn gyntaf ym mis Rhagfyr

a naill ai

  • bod gennych yr hawl i gynnydd mewn budd-dal cymwys ar gyfer eich partner neu'ch partner sifil

neu

  • yr unig fudd-dal cymwys rydych chi'n ei gael yw'r Credyd Pensiwn

Sut mae'n cael ei dalu

Fel arfer, telir y Bonws Nadolig yn syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Os ydych wedi'ch cofrestru'n ddall, neu os oes angen i'r sawl sy'n gofalu amdanoch gasglu'ch arian, anfonir siec atoch y gellir ei chyfnewid am arian yn Swyddfa'r Post®. Ar gyfer 2008, bydd y tâl ychwanegol o £60 yn cael ei wneud yn yr un ffordd.

Yr effaith ar fudd-daliadau

Ni fydd y Bonws Nadolig na'r taliad £60 ychwanegol yn effeithio ar fonysau eraill yr ydych yn eu cael o bosibl.

Sut i wneud cais

Does dim angen i chi hawlio'r Bonws Nadolig na'r taliad £60 - fe'i cewch yn awtomatig. Os ydych chi'n meddwl eich bod yn gymwys i gael y taliad ond nad ydych wedi'i dderbyn, holwch yn eich Canolfan Byd Gwaith neu'r ganolfan bensiwn sy'n delio â'ch taliadau.

Mwy o ddolenni defnyddiol

Yn yr adran hon...

Additional links

Cadw eich cartref

Cael cyngor am gynlluniau cymorth morgais a chymorth eraill

Arbed Arian
Arbed Ynni

LLEIHAU’CH CO2 - canfod dulliau hawdd i arbed arian ac ynni

Peidiwch â chael eich cnoi...

A ydych chi wedi cael cynnig benthyciad gan siarcod benthyg? Gallwch roi gwybod am fenthycwyr sydd heb drwydded

Cysylltiadau defnyddiol

Allweddumynediad llywodraeth y DU