Gwefan llywodraeth y DU

Cymorth gyda chostau tai

Os oeddech chi'n cael help gyda'ch costau tai pan oeddech chi'n ddi-waith, fe allech chi barhau i'w gael am hyd at bedair wythnos ar ôl i chi ddechrau yn eich swydd newydd. Mae angen i chi fod wedi hawlio Lwfans Ceisio Gwaith yn seiliedig ar incwm, Lwfans Cyflogaeth a Chymorth yn seiliedig ar incwm neu Gymhorthdal Incwm am o leiaf 26 wythnos yn ddi-dor cyn i chi ddechrau gweithio.

Dyma rai o’r budd-daliadau:

Does dim rhaid i chi wneud cais am daliadau estynedig Budd-dal Tai a Budd-dal y Dreth Gyngor, ond rhaid i chi roi gwybod i'r Ganolfan Byd Gwaith ac i'ch awdurdod lleol am newid yn eich amgylchiadau.

O fis Hydref 2008 ymlaen, pan ddaw eich Budd-dal Tai/Budd-dal y Dreth Gyngor Estynedig i ben does dim rhaid i chi wneud hawliad newydd ar gyfer Budd-dal Tai/Budd-dal y Dreth Gyngor mewn gwaith. Bydd eich awdurdod lleol yn ystyried a oes gennych hawl i Fudd-dal Tai/Budd-dal y Dreth Gyngor mewn gwaith yr un pryd ag y byddant yn penderfynu a ydych wedi diwallu'r amodau i gael taliad estynedig.

• Cael Budd-dal Tai am gyfnod Estynedig
• Cael Budd-dal y Dreth Gyngor am gyfnod Estynedig
• Dilyniant o Log Morgais

Grant Swydd

Taliad di-dreth a delir unwaith yn unig yw'r Grant Swydd ac mae'n bosib y cewch chi hwn wrth ddechrau gweithio'n llawn amser (o leiaf 16 awr yr wythnos). Fe allech ei gael os ydych wedi bod yn cael un neu ragor o'r budd-daliadau hyn am o leiaf 26 wythnos cyn i chi ddechrau gweithio:

Os oes gennych bartner a'u bod yn dechrau gweithio dros 24 awr, gan olygu nad yw'r uned deuluol yn gallu hawlio budd-daliadau, gallant fod yn gymwys i gael taliad grant swydd. Bydd faint o Grant Swydd a gewch chi'n dibynnu ar eich amgylchiadau:

Telir y Grant Swydd i chi'n awtomatig pan fyddwch chi'n dechrau yn eich swydd newydd.

• Grant Swydd

Credyd Dychwelyd i Waith

Mae Credyd Dychwelyd i Waith yn rhoi cymorth ariannol yn ystod eich blwyddyn gyntaf o waith os oes gennych, neu rydych wedi cael, cyflwr iechyd neu anabledd ac wedi hawlio budd-dal perthnasol. Mae’n rhaid i chi wneud cais o fewn pum wythnos o ddechrau gweithio.

Mae’n daliad di-dreth o £40 yr wythnos a delir yn uniongyrchol i chi ar ben eich cyflog, am hyd at 52 wythnos, os:

• ydych yn gweithio am 16 awr neu fwy yr wythnos
• ydych yn disgwyl i’ch cyflog blynyddol personol cyn didyniadau fod yn £15,000 neu lai y flwyddyn

Os ydych yn hunangyflogedig dylai eich incwm disgwyliedig o fasnachu llai treuliau a ganiateir fod yn £15,000 neu lai y flwyddyn. Mae eich incwm yn cynnwys unrhyw gyflog neu dyniadau cyflog.

Gall rhieni sy’n magu plant fod yn gymwys i Gredyd Mewn Gwaith yn hytrach na Chredyd Dychwelyd i Waith.

• Credyd Mewn Gwaith (adran cyflogaeth)
• Dod o hyd i’ch swyddfa Canolfan Byd Gwaith leol Opens new window

Credydau treth

Er gwaetha'r enw, mae credyd treth yn daliad rheolaidd - nid credyd yn erbyn eich bil treth mohono. Mae naw o bob deg teulu sydd â phlant yn gymwys i gael Credyd Treth Plant. Os ydych chi'n gweithio mwy nag 16 awr yr wythnos a'ch bod ar incwm isel, mae'n bosib y gallwch chi gael Credyd Treth Gwaith hefyd.

• Cael gwybod mwy am gredydau treth

Mwy o ddolenni defnyddiol

• Budd-daliadau 'Yn gyflogedig neu'n chwilio am waith'
• Gweld beth yw eich hawliau fel gweithiwr (adran cyflogaeth)
• Cysylltu â Chanolfan Byd Gwaith Opens new window