Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Taliad Profedigaeth

Os yw eich gŵr, eich gwraig neu'ch partner sifil wedi marw, mae'n bosibl y gallwch chi dderbyn Taliad Profedigaeth, taliad unswm untro gwerth £2,000 sy'n ddi-dreth.

Pwy gaiff hawlio

Mae'n bosibl y gallwch chi hawlio Taliad Profedigaeth os oedd eich gŵr, eich gwraig neu'ch partner sifil wedi talu eu cyfraniadau Yswiriant Gwladol neu os achoswyd eu marwolaeth gan eu swydd a naill ai:

  • eich bod dan oedran Pensiwn y Wladwriaeth (60 i fenywod a 65 i ddynion) pan fuont farw
  • bod eich gŵr, eich gwraig neu'ch partner sifil yn anghymwys i gael Budd-dal Ymddeol Categori A y wladwriaeth pan fuont farw.

Cyfraniadau Yswiriant Gwladol a Thaliadau Profedigaeth

Pan fyddwch chi'n llenwi'r ffurflen hawlio, gofynnir i chi roi rhif Yswiriant Gwladol eich diweddar gŵr, gwraig neu bartner sifil a manylion eu cyflogaeth ddiweddar.

Yna, bydd y swyddfa sy'n delio â'ch hawliad yn gallu edrych ar eu cofnod Yswiriant Gwladol i weld a ydych chi'n gymwys i gael Taliad Profedigaeth

Pwy na chaiff hawlio

Chewch chi ddim hawlio Taliad Profedigaeth:

  • os oeddech chi a'ch diweddar ŵr neu wraig wedi ysgaru pan fu farw neu os oedd y bartneriaeth sifil wedi chwalu pan fu farw'r partner sifil
  • os ydych chi'n byw gyda rhywun arall fel gŵr, gwraig neu bartner sifil
  • os ydych chi yn y carchar

Faint fyddwch chi'n ei gael?

Un taliad unswm, untro, di-dreth gwerth £2,000 yw hwn.

Sut mae'n cael ei dalu

Mae'r Taliad Profedigaeth yn cael ei dalu'n syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Yr effaith ar fudd-daliadau eraill

Nid yw'r Taliad Profedigaeth untro hwn yn effeithio ar eich hawl i gael budd-daliadau eraill. Ond efallai bydd eich cynilion a Thaliad Profedigaeth yn gostwng y swm o fudd-daliadau prawf moddion yr ydych yn derbyn, fel:

  • Cymhorthdal Incwm
  • Lwfans Ceiswyr Gwaith yn seiliedig incwm
  • Budd-daliadau Tai a Budd-daliadau Treth Cyngor
  • Lwfans Cyflogaeth a Chymorth

Sut i hawlio

Cewch archebu pecyn Budd-daliadau Profedigaeth dros y ffôn gan eich Canolfan Byd Gwaith. Mae nodiadau gyda'r pecyn sy'n eich helpu i lenwi'r ffurflen gais.

Llwytho ffurflen hawlio i'w hargraffu a'i llenwi

Gallwch lwytho ffurflen hawlio BB1 oddi ar wefan yr Adran Gwaith a Phensiynau.

Unwaith i chi gwblhau’r ffurflen, anfonwch ef i’ch Canolfan Byd Gwaith mor gynted â phosib.

Gall hawliadau ond cael eu hol-ddyddio tri mis am Lwfans Profedigaeth a Lwfans Rhieni Gweddw ac maent yn cael eu dyddio pan fo’r swyddfa yn eu derbyn, felly os ydych yn oedi efallai byddwch yn colli budd-dal. Mae’r terfyn amser am hawliau Taliad Profedigaeth wedi’i ymestyn i 12 mis.

Beth arall y mae angen i chi ei wybod

Bydd rhaid i chi brofi pwy ydych chi wrth wneud cais. Hefyd, bydd rhaid i chi ateb cwestiynau am eich amgylchiadau a'ch cefndir a dangos dogfennau swyddogol i brofi'r wybodaeth honno.

Mwy o ddolenni defnyddiol

Yn yr adran hon...

Allweddumynediad llywodraeth y DU