Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Lwfans Profedigaeth

Ar ôl i chi gael eich gwneud yn weddw, mae'n bosib y gallwch chi hawlio Lwfans Profedigaeth, y budd-dal wythnosol trethadwy a delir i chi am hyd at 52 wythnos ar ôl dyddiad marw eich gŵr, eich gwraig neu eich partner sifil.

Pwy gaiff hawlio

Efallai y gallwch hawlio'r Lwfans Profedigaeth os yw pob un o'r canlynol yn berthnasol i chi:

  • rydych yn wraig weddw, yn ŵr gweddw neu'n bartner sifil i rywun a fu farw ac roeddech yn 45 oed neu'n hŷn pan fu farw'ch gŵr, eich gwraig neu'ch partner sifil
  • nid ydych yn magu plant
  • rydych dan oedran Pensiwn y Wladwriaeth (60 i fenywod a 65 i ddynion ar hyn o bryd)
  • roedd eich diweddar ŵr, gwraig neu bartner sifil yn talu cyfraniadau Yswiriant Gwladol, neu eu bod wedi marw o ganlyniad i ddamwain neu glefyd diwydiannol

Cyfraniadau Yswiriant Gwladol a Lwfans Profedigaeth

Pan fyddwch chi'n llenwi'r ffurflen hawlio, gofynnir i chi roi rhif Yswiriant Gwladol eich diweddar ŵr, gwraig neu bartner sifil a manylion eu cyflogaeth ddiweddar.

Yna, bydd y swyddfa sy'n delio â'ch hawliad yn gallu edrych ar eu cofnod Yswiriant Gwladol i weld a ydych chi'n gymwys i gael Lwfans Profedigaeth ac os felly, faint.

Pwy na chaiff hawlio

Chewch chi ddim hawlio Lwfans Profedigaeth:

  • os oeddech chi a'ch diweddar ŵr neu'ch diweddar wraig wedi ysgaru pan fu farw
  • os oedd eich partneriaeth sifil wedi chwalu pan fu farw eich partner sifil
  • os ydych chi'n byw gyda pherson arall fel petaech chi'n briod â nhw neu fel petaech wedi ffurfio partneriaeth sifil
  • os ydych chi yn y carchar

Os oeddech yn hŷn nag oedran Pensiwn y Wladwriaeth pan fu farw'ch cymar neu'ch partner sifil, mae'n bosib y cewch chi swm ychwanegol at Bensiwn y Wladwriaeth ar sail cyfraniadau Yswiriant Gwladol eich diweddar ŵr, gwraig neu bartner sifil.

Os oeddech dan oedran Pensiwn y Wladwriaeth pan fu farw'ch cymar a bod gennych blentyn yn dibynnu arnoch, gallwch hawlio'r Lwfans Rhiant Gweddw. Ond chewch chi ddim y Lwfans Rhiant Gweddw a'r Lwfans Profedigaeth ar yr un pryd.

Faint fyddwch chi'n ei gael

Eich oedran pan fu farw'ch cymar neu’ch partner sifil

Cyfradd wythnosol uchaf (2009-2010)

45 oed

£28.58

46 oed

£35.24

47 oed

£41.91

48 oed

£48.58

49 oed

£55.25

50 oed

£61.91

51 oed

£68.58

52 oed

£75.25

53 oed

£81.92

54 oed

£88.58

rhwng 55 oed ac oedran Pensiwn y Wladwriaeth

£95.25


Mae'r union swm gewch chi'n dibynnu ar:

  • faint o gyfraniadau Yswiriant Gwladol a dalodd eich partner neu'ch partner sifil
  • eich oedran pan fu farw
  • os yw'n berthnasol, pan ddaw eich Lwfans Rhiant Gweddw i ben, a bod hyn o fewn 52 wythnos i'ch profedigaeth, efallai y cewch Lwfans Profedigaeth. Bydd hyn yn dibynnu ar eich oed adeg y brofedigaeth.

Sut mae'n cael ei dalu

Mae'r Lwfans Profedigaeth yn cael ei dalu'n syth i'ch cyfrif banc, cymdeithas adeiladu, Swyddfa'r Post® neu Gynilion Cenedlaethol sy'n derbyn Taliad Uniongyrchol.

Os ydych yn ddall neu os oes angen i'r sawl sy'n gofalu amdanoch gasglu'r arian, anfonir siec atoch y gellir ei chyfnewid am arian yn Swyddfa'r Post®.

Yr effaith ar fudd-daliadau eraill

Unwaith y cewch Lwfans Profedigaeth, gallai eich taliadau newid os ydych eisoes yn cael unrhyw un o'r budd-daliadau canlynol:

  • Cymhorthdal Incwm
  • Budd-dal Analluogrwydd
  • Lwfans Ceisio Gwaith
  • Lwfans Gofalwr
  • Lwfans Cyflogaeth a Chymorth

Bydd y Ganolfan Byd Gwaith sy'n delio â'ch hawliad yn esbonio hyn i chi.

Sut mae hawlio

Cewch archebu pecyn hawlio Budd-daliadau Profedigaeth, Ffurflen BB1, dros y ffôn gan eich Canolfan Byd Gwaith. Ceir nodiadau gyda'r pecyn sy'n eich helpu i lenwi'r ffurflen hawlio.

Llwytho ffurflen hawlio i'w hargraffu a'i llenwi

Gallwch hefyd lwytho'r ffurflen hawlio oddi ar wefan yr Adran Gwaith a Phensiynau.

Ar ôl llenwi'r ffurflen, anfonwch hi i'ch Canolfan Byd Gwaith neu i'ch swyddfa nawdd cymdeithasol agosaf mor fuan â phosib.

Dim ond am dri mis y gellir ôl-ddyddio'r hawliadau ac fe'u dyddir pan fydd y swyddfa'n eu derbyn, felly os oedwch chi, mae'n bosib y collwch chi'ch budd-dal.

Beth i’w wneud os bydd eich amgylchiadau’n newid

Os byddwch chi'n ailbriodi neu'n dechrau byw gyda rhywun fel petaech chi'n briod, ni fyddwch yn gymwys rhagor i gael Lwfans Profedigaeth. Mae'n bwysig eich bod yn dweud wrth y swyddfa sy'n delio gyda'ch taliadau os digwydd hyn.

Beth arall y mae angen i chi ei wybod

Bydd yn rhaid i chi brofi pwy ydych chi wrth wneud hawliad. Hefyd, bydd yn rhaid i chi ateb cwestiynau am eich amgylchiadau a'ch cefndir a dangos dogfennau swyddogol i brofi'r wybodaeth honno.

Mwy o ddolenni defnyddiol

Yn yr adran hon...

Allweddumynediad llywodraeth y DU