Gwefan llywodraeth y DU

Dod o hyd i'ch dyfrffordd leol

Lle bynnag y byddwch chi, mae'n siŵr bod dyfrffordd wrth law felly holwch Ddyfrffyrdd Prydain i gael gwybod ble mae'r un agosaf. Gwnewch yn siŵr eich bod yn gwybod rheolau'r dyfrffyrdd ac yn eu dilyn - gallwch lwytho taflen gan Ddyfrffyrdd Prydain neu gysylltu â'ch swyddfa dyfrffyrdd leol.

• Cysylltu â ni – Dyfrffyrdd Prydain Opens new window
• Taflen Cod Dyfrffyrdd gan Ddyfrffyrdd Prydain (PDF, 236K) Opens new window

Diogelwch dŵr

Mae'r dyfrffyrdd yn llefydd rhagorol i'w mwynhau ond mae'n hollbwysig cofio'r rheolau diogelwch.
Edrychwch ar y canllawiau diogelwch ar y dŵr gan y Gymdeithas Frenhinol er Atal Damweiniau. Cewch fwy o wybodaeth am ddiogelwch hefyd gan Asiantaeth yr Amgylchedd.

• Gwybodaeth am yr ymgyrch CADW'N DDIOGEL Opens new window
• Gwybodaeth am ddiogelwch ar y dŵr gan y Gymdeithas Frenhinol er Atal Damweiniau Opens new window
• Gwybodaeth am ddiogelwch gan Asiantaeth yr Amgylchedd Opens new window

Gweithgareddau ar y dŵr neu ar lan y dŵr

Os ydych yn mwynhau pysgota mewn dŵr croyw, edrychwch ar y wybodaeth am bysgota â gwialen a ddarperir gan Asiantaeth yr Amgylchedd. Cewch yno gyngor am sut i helpu bywyd gwyllt, gweld pa ddigwyddiadau pysgota sydd ar y gweill a phrynu'ch trwydded gwialen ar-lein.

Os byddwch chi'n awyddus i fentro mewn cwch ond heb blymio i'r dwfn o'r blaen, edrychwch ar ganllawiau Dyfrffyrdd Prydain i gyw-gychwyr. Hefyd, fe welwch chi gynghorion am ddiogelwch i ganw-wyr a rhwyfwyr.

P'un ai mynd â'r ci am dro ynteu grwydro'n hamddenol ar hyd glan yr afon yw'ch dymuniad, gall Dyfrffyrdd Prydain ddweud wrthych ymhle mae 'na lwybr cerdded ar hyd y dyfrffyrdd yn eich ardal chi.

Edrychwch ar restr llwybrau seiclo Dyfrffyrdd Prydain i weld ble y gallwch chi reidio'ch beic ar lan y dŵr. Cyn i chi gychwyn, holwch Ddyfrffyrdd Prydain a oes angen trwydded seiclo arnoch.

Gall Dyfrffyrdd Prydain hefyd ddweud wrthych am y bywyd gwyllt y byddwch yn debygol o'i weld ar ein dyfrffyrdd.

• Cael gwybod mwy am bysgota gan Asiantaeth yr Amgylchedd Opens new window
• Canllawiau Dyfrffyrdd Prydain i Gychwyr Opens new window
• Cael gwybod mwy am ganŵio gan Undeb Canŵio Prydain Opens new window
• Dod o hyd i lwybr i fynd am dro ar hyd dyfrffordd gan Ddyfrffyrdd Prydain Opens new window
• Gwybodaeth am seiclo gan Ddyfrffyrdd Prydain Opens new window
• Gweld bywyd gwyllt ar y dyfrffyrdd Opens new window

Ble gewch chi fynd ar ddyfrffyrdd neu ar eu glannau

Mae afonydd, yn ogystal â'r tir sydd ar eu glannau, yn eiddo i'r sawl sydd biau'r tir. Hyd yn oed os oes hawl tramwy ar lan afon, nid yw hynny'n golygu bod gennych chi'r hawl i bysgota yno. Weithiau, mae'n bosib y bydd y perchennog yn lesio'r hawliau pysgota i glwb ac mae'n bosib mai dim ond aelodau'r clwb hwnnw sydd â'r hawl i fynd at lan y dŵr.

Yn ôl y gyfraith, mae'r llwybr tynnu sydd ar lan camlas yn rhan o'r gamlas ei hun. Mae'r llwybr tynnu ar lan camlas fel arfer ar gael i'r cyhoedd gerdded arno, ac weithiau i seiclo arno. Fel arfer, drwy ganiatâd y ceir gwneud hyn, ond ar rai llwybrau tynnu, ceir hawliau tramwy i'r cyhoedd. Dyfrffyrdd Prydain sydd biau llawer o'r llwybrau tynnu hyn. Dylech ddilyn yr is-ddeddfau neu'r cyfyngiadau ar lwybrau tynnu, a bod yn arbennig o ofalus wrth ymyl unrhyw loc.

Nid yw llynnoedd naturiol a'u glannau bob amser ar agor i'r cyhoedd. Nid yw unrhyw hawl mynediad i'r tir sydd o gwmpas llyn o anghenraid yn golygu bod gennych hawl i fynd i'r dŵr, na hawl i nofio, pysgota neu lansio cwch.
Y cwmnïau dŵr, Dyfrffyrdd Prydain, neu gwmnïau preifat biau'r cronfeydd dŵr a'r tir sy'n ffinio arnynt. Nid oes hawliau cyffredinol i'r cyhoedd, ond gall fod rhywfaint o hawl mynediad trwy ganiatâd.

• Mynediad at wybodaeth am gefn gwlad gan yr Asiantaeth Cefn Gwlad Opens new window

Natur a bywyd gwyllt

Mae gwlyptiroedd yn amrywio o byllau i afonydd, o welyau cyrs i gorsydd ac ynddynt ceir amrywiaeth enfawr o blanhigion ac anifeiliaid ac maent yn hafan i'r rhai sy'n mwynhau bywyd gwyllt. Os byddwch yn ffodus, cewch weld dyfrgwn, llygod y maes yn ogystal ag amrywiaeth o bysgod ac adar.

I gael gwybod mwy am fywyd gwyllt yr afonydd a'r gwlyptiroedd ymwelwch â gwefan yr Ymddiriedolaeth Bywyd Gwyllt. Gellir cael mwy o wybodaeth am adar sy'n nythu ger afonydd, llynnoedd a gwlyptiroedd ar wefan yr RSPB.

• Dod o hyd i warchodfa Bywyd Gwyllt yn eich ardal chi Opens new window
• Cyngor am wylio adar gan y Gymdeithas Frenhinol er Gwarchod Adar Opens new window