Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Y cartref a’r gymuned

Y cartref a’r gymuned

Prynu cartref - pethau i'w hystyried

Mae'n debyg mai prynu cartref fydd y penderfyniad ariannol mwyaf y bydd rhaid i chi ei wneud yn eich oes felly mae'n werth cymryd amser i ystyried a yw'r dewis yn iawn i chi. Chi fydd yn gyfrifol am yr holl gostau o gynnal a chadw'r eiddo, gan gynnwys y prif atgyweiriadau adeileddol a'r atgyweiriadau a'r gwelliannau cyffredinol.

Pa gostau sy'n gysylltiedig?

Bydd angen i chi ystyried y costau canlynol hefyd:

  • ad-daliadau morgais
  • yswiriant i ddiogelu'r morgais rhag ofn i chi fynd yn sâl neu golli'ch swydd
  • yswiriant bywyd er mwyn i'ch teulu allu talu'r morgais yn ôl petaech yn marw
  • yswiriant cynnwys yn erbyn y risg o ladrata, tân, llifogydd neu ddamweiniau eraill
  • treth cyngor a biliau dŵr
  • nwy, trydan, ffôn, ayb
  • efallai bod rhent tir a thaliadau gwasanaeth yn berthnasol

Mae'r broses o brynu tŷ neu fflat yn gostus hefyd, gan y bydd yn rhaid i chi dalu am y canlynol o bosibl:

  • cyfreithiwr neu drawsgludwr trwyddedig
  • arolwg annibynnol
  • trefnu'r morgais
  • ffi'r Gofrestrfa Tir
  • Treth Stamp

Fel tenant, efallai y gallwch hawlio budd-dal tai i helpu gyda'r rhent. Fel perchen-feddiannydd, ni chewch unrhyw fudd-dal tai i helpu gyda chostau'r morgais. Efallai y cewch gymhorthdal incwm i helpu gyda chostau tai, ond nid yw hwn fel arfer yn daladwy am naw mis ar ôl ichi ei hawlio.

Os ydych yn oedrannus ac yn berchen ar eich cartref, efallai y bydd ei werth yn cael ei ystyried wrth asesu a ydych yn gymwys i gael cymorth ariannol gyda chostau gofal preswyl.

Prynu eich tŷ cyngor

Os daw person neu gwmni atoch yn cynnig eich helpu i brynu eich tŷ cyngor, mynnwch wybod sut y mae hyn o fudd iddyn nhw a siaradwch â'ch landlord cyn cytuno i unrhyw beth.

Mae rhai cwmnïau'n cynnig arian ymlaen llaw i denantiaid mewn bargen lle mae'r cwmni'n dod yn berchen ar yr eiddo ar ôl tair blynedd. Mae hyn yn dda i'r cwmni, sy'n gallu codi mwy o rent na'r awdurdod lleol. Ond nid yw bob amser yn beth da i'r tenantiaid, oherwydd efallai na fydd yr arian y byddant yn ei gael yn ddigon i brynu cartref arall. Mae rhai tenantiaid wedi dod yn ddigartref ar ôl cytuno i gynllun o'r fath.

Os ydych am symud ymlaen i brynu eich cartref, mynnwch gyngor am unrhyw beth nad ydych yn sicr ohono. Os ydych yn denant i gyngor, gallwch gysylltu ag Uned Perchnogaeth Tai eich cyngor lleol.

Mwy o ddolenni defnyddiol

In this section...

Allweddumynediad llywodraeth y DU