Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Iechyd a lles
Cymorth cyntaf
Gall cymorth cyntaf drin pob math o fân anafiadau ond dylech weld meddyg ar ôl damweiniau mwy difrifol. Mewn argyfwng, gall cymorth cyntaf arbed bywyd cyn bod y gwasanaethau brys yn cyrraedd.
Blychau cymorth cyntaf
Gallai eich blwch cymorth cyntaf gynnwys:
- plasteri
- rhwymynnau
- pinnau cau neu dâp
- tabledi neu foddion lladd poen (paracetamol neu aspirin) - dylech ddarllen y label bob tro a dilyn y cyfarwyddiadau'n ofalus iawn; mae mathau arbennig ar gael ar gyfer plant
- llwy feddygol/chwistrell i roi moddion i fabis a phlant - mae'r rhain yn fwy diogel a chywir na llwy de
- hylif gwrthseptig neu halwyn ar gyfer glanhau clwyfau
- gwlân cotwm
- thermomedr
- gefel fach (ar gyfer sblintiau)
- siswrn miniog
- eli haul (ffactor 25 neu uwch ar gyfer plant)
- eli atal pryfed ar gyfer plant
Cadwch eich blwch meddygol yn uchel ac o gyrraedd plant.
Efallai y dewiswch gael dau flwch: un mawr ar gyfer y cartref ac un llai ar gyfer mynd allan.
Defnyddiwch y blwch cymorth cyntaf rhyngweithiol hwn er mwyn gweld sut mae defnyddio'r prif eitemau yn eich blwch, gydag arweiniad ar fideo ac awgrymiadau.
Cyrsiau cymorth cyntaf
Mae llawer o fudiadau'n cynnal cyrsiau cymorth cyntaf. I gael gwybod mwy am y cyrsiau yn eich ardal chi, cysylltwch ag un o'r mudiadau isod. Os oes gennych blentyn ifanc, gallwch hefyd holi'ch ymwelydd iechyd am y cyrsiau cymorth cyntaf sydd ar gael.
Pryd i ffonio am ambiwlans
Mewn rhai sefyllfaoedd dylech chi ffonio am ambiwlans ar unwaith (er y gallai gwybod rhywfaint o gymorth cyntaf helpu). Dyma rai o'r sefyllfaoedd hynny:
- pan fydd person yn anymwybodol, neu'n effro ac yn anymwybodol am yn ail
- os tybir bod person wedi cael strôc
- pan fydd person yn colli llawer o waed
- os tybir bod esgyrn wedi torri
- pan fydd gan berson glwyf dwfn, er enghraifft ar ôl cael ei drywanu
- os tybir bod person wedi cael trawiad ar y galon
- os yw person yn cael anhawster anadlu
- os yw person wedi cael llosgiadau difrifol
- os yw person yn cael adwaith alergaidd difrifol
Yn yr adran hon...
Additional links
Diogelwch Tân
Camau syml i'ch diogelu chi a'ch teulu rhag tân
Ei wneud ar y we
Cysylltiadau defnyddiol
Allweddumynediad llywodraeth y DU
