Gwefan llywodraeth y DU

Paent: Labeli VOC

Mae'r rhan fwyaf o baent, farneisiau a chynhyrchion cysylltiedig yn cynnwys Cyfansoddion Organig Anweddol (VOCs). Mae cyfansoddion organig anweddol yn achosi llygredd aer a gallent fod yn niweidiol i iechyd pobl, anifeiliaid a phlanhigion.

Mae trothwyon cyfreithiol wedi'u cyflwyno ar faint o gyfansoddion organig anweddol gaiff eu cynnwys mewn paent a chynhyrchion cysylltiedig. Erbyn hyn, mae'n rhaid i'r rhan fwyaf o gynhyrchion farnais a phaent a ddefnyddir yn y cartref ddangos label sy'n datgan y trothwy cyfreithiol hwn, a faint o VOC sydd yn y cynnyrch. Dyma enghraifft o'r label. Mae'n datgan uchafswm rheoleiddiol yr UE ar sawl gram a geir mewn litr (g/l) – yn 2007 a'r uchafswm newydd a ddaw i rym yn 2010. Yna ceir cynnwys VOC y cynnyrch.

Mae rhai gwneuthurwyr yn dal i ddefnyddio eu logos eu hunain sy'n nodi'r cynnwys VOC, ond mae'n rhaid dangos y label gorfodol sy'n nodi'r cynnwys VOC bob amser.

• Mwy am labeli VOC Opens new window

Tecstiliau: Safon 100 Oeko-Tex

Mae Safon 100 Oeko-Tex yn system ardystio ryngwladol ar gyfer tecstilau a dillad, sy'n edrych ar bob cam yn y broses gynhyrchu. Bydd cynhyrchion sy'n cael eu labelu yn cael eu profi am ystod eang o sylweddau niweidiol, yn seiliedig ar y darganfyddiadau gwyddonol diweddaraf ac ar reoliadau cyfreithiol, gan sefydliadau annibynnol. Rhaid i bob rhan o'r eitemau fodloni'r safonau a ddiffinnir.

• Oeko-tex Opens new window

Mwy o ddolenni defnyddiol

• Siopa'n fwy gwyrdd: canllaw cyflym
• DIY mwy gwyrdd
• Dillad: dewisiadau mwy gwyrdd