Gwefan llywodraeth y DU

Y grant microgynhyrchu

Ystyr microgynhyrchu yw pan fydd unigolion, busnesau a chymunedau yn cynhyrchu pŵer a gwres isel mewn carbon er mwyn diwallu eu hanghenion eu hunain. Mae'n defnyddio ystod o dechnolegau fel ynni dŵr, pŵer solar neu ynni'r gwynt.

Mae grantiau ar gyfer rhoi’r technolegau migrogynhyrchu hyn ar waith ar gael ar gyfer adeiladau'r sector cyhoeddus (gan gynnwys ysgolion, ysbytai, cymdeithasau tai ac awdurdodau lleol) ac elusennau. Mae'r grantiau'n talu am gyfran (hyd at 50 y cant) o'r gost o osod y technolegau, a gallwch hawlio hyd at £1 milliwn ar gyfer pob safle.

Darperir y grantiau gan yr Adran Busnes, Arloesi a Sgiliau. Cyflwynir y grantiau drwy’r Sefydliad Ymchwil Adeiladau fel rhan o Gam 2 y Rhaglen Adeiladau Isel mewn Carbon (LCBP2).

Faint yw gwerth y grantiau?

Mae lefelau’r grant ar gyfer y sector di-elw yn amrywio yn ôl technoleg ac yn cyfrannu at gyfanswm y gost o’u gosod (heb gynnwys TAW) fel a ganlyn:

Technoleg	Canran
Biomas	35 y cant
Pympiau sy’n codi gwres o’r ddaear	35 y cant
Ffotofoltaigau solar	50 y cant
Systemau Gwresogi Solar	30 y cant
Tyrbinau gwynt	30 y cant

Gall sefydliadau wneud cais am hyd at uchafswm o £1 miliwn ar gyfer pob safle. Gall safle gynnwys mwy nag un eiddo a gellir cael cymorth grant ar gyfer uchafswm o dri math o dechnoleg cymwys ym mhob eiddo. Gall un sefydliad wneud nifer o geisiadau ar gyfer sawl safle gwahanol.

Rhaid i’r dechnoleg gael ei chyflenwi a’i gosod gan gyflenwyr fframwaith cymeradwy Cam 2 y Rhaglen Adeiladau Isel mewn Carbon.

• Dod o hyd i gyflenwr fframweithiau Opens new window

Sut i wneud cais am grant

Mae'r grantiau ar gael drwy'r Adran Busnes, Arloesi a Sgiliau. Gallwch naill ai lwytho'r nodiadau cyfarwyddyd a'r ffurflen gais o'u gwefan neu wneud cais ar-lein.

• Gwneud cais ar-lein am grant cymunedol Opens new window

• Llwytho ffurflen gais grant cymunedol Opens new window

Grantiau eraill ar gyfer microgynhyrchu

Gall grwpiau sy’n cynhyrchu ynni hefyd fanteisio ar wobrau eraill am wneud hynny:

• bydd modd i chi gael Tystysgrifau Ymrwymo i Ynni neu dystysgrifau eraill sy’n gysylltiedig ag ynni gwyrdd – bydd y rhain yn rhoi’r hawl i chi gael arian am gynhyrchu ynni
• efallai y bydd modd i chi hawlio grantiau eraill - dylech gysylltu â'ch cyngor lleol neu'ch Asiantaeth Datblygu Rhanbarthol
• gofynnwch i'ch cyflenwr trydan am wybodaeth ynghylch gwerthu trydan dros ben i'r grid cenedlaethol
• mae rhai banciau a sefydliadau eraill yn cynnig ‘grantiau gwyrdd’ i helpu gyda chostau gosod

• Tystysgrifau Ymrwymo i Ynni Adnewyddadwy Opens new window

• Dod o hyd i’ch cyngor lleol

• Dod o hyd i’ch Asiantaeth Ddatblygu Ranbarthol Opens new window

Mwy o ddolenni defnyddiol

• Y Rhaglen Adeiladau Isel mewn Carbon – Cam 2 Opens new window

• Astudiaethau achos microgynhyrchu yn y sector di-elw Opens new window

• Cynhyrchu ynni eich hun – Yr Ymddiriedolaeth Arbed Ynni Opens new window