Gwefan llywodraeth y DU

Pwy gaiff weithio yn y DU?

Os ydych chi'n awyddus i ddod i weithio yn y DU, eich dinasyddiaeth fydd yn penderfynu a gewch chi ai peidio. Oni bai eich bod yn ddinesydd Prydeinig neu'n ddinesydd o un o wledydd Ardal Economaidd Ewrop (AEE), mae'n bosib y bydd angen fisa arnoch cyn i chi deithio yma.

Os oes rhaid i chi gael fisa, bydd angen i chi gael eich cymeradwyo gan swyddogion Cenhadaeth Dramor Brydeinig yn eich gwlad enedigol. Unwaith i chi gael y gymeradwyaeth, bydd y dystysgrif cymeradwyo mynediad, neu'r fisa, yn cael ei rhoi yn eich pasport neu yn eich dogfen deithio.

• Mwy am fisas yn y DU Opens new window

Gweithwyr gwledydd newydd yr Undeb

Os ydych chi'n dod o un o aelod-wladwriaethau newydd yr Undeb Ewropeaidd, efallai y bydd angen i chi gael caniatâd Asiantaeth Ffiniau’r DU i weithio yn y DU.

Os ydych yn ddinesydd yn un o'r gwladwriaethau a ymunodd â'r Undeb Ewropeaidd yn 2004, efallai y bydd y Cynllun Cofrestru Gweithwyr yn berthnasol i chi. Mae hwn yn effeithio ar ddinasyddion o'r gwledydd canlynol (gwledydd A8):

Fodd bynnag, does dim angen i chi gofrestru i weithio yn y DU:

Mae ambell sefyllfa arall pan na fydd angen i chi gofrestru os ydych chi'n dod o un o'r gwladwriaethau hyn.

• Y Cynllun Cofrestru Gweithwyr - cael gwybod mwy Opens new window

Fel gweithiwr/wraig asiantaeth neu dros dro, bydd angen i chi gofrestru i weithio o fewn mis i chi ddechrau'r gwaith.

• Canllawiau ynghylch ai gweithiwr/wraig, cyflogai, ynteu hunangyflogedig ydych chi

• Mwy am y cynllun cofrestru gweithwyr Opens new window

System bwyntiau

Os ydych chi'n dymuno gweithio yn y DU, rhaid i chi wneud cais dan y system newydd sy'n seiliedig ar bwyntiau. Os nad ydych yn dod o un o wledydd AEE neu o'r Swistir, mae'n debygol y bydd angen i chi ymgeisio dan un o'r haenau hyn i weithio yma.

Ceir pum haen yn y system seiliedig ar bwyntiau:

• haen 1 - gweithwyr sgilgar iawn
• haen 2 - gweithwyr sgilgar gyda chynnig swydd
• haen 3 - gweithwyr heb lawer o sgiliau sy'n llenwi bylchau penodol mewn swyddi, a hynny dros dro
• haen 4 - myfyrwyr
• haen 5 - gweithwyr dros dro a chynlluniau sy'n rhoi cyfle i bobl ifanc gael blas ar wlad arall (youth mobility)

Cyflwynwyd haen 1 o'r system seiliedig-ar-bwyntiau newydd yn gynharach eleni. Dylech ymgeisio dan yr haen hon os ydych chi'n weithiwr sgilgar iawn, yn entrepreneur, yn fuddsoddwr mewn gwaith ar-ôl-astudio a'ch bod am aros am gyfnod hwy yn y Deyrnas Unedig. Mae hyn yn berthnasol os ydych chi yma nawr fel rhan o'r Rhaglen Mudwyr Medrus Iawn a ddaeth i ben pan gyflwynwyd haen 1.

Agorwyd haen 2 a haen 5 i fewnfudwyr ar 27 Tachwedd 2008. Os ydych yn dymuno dod i'r DU drwy'r llwybrau hyn rhaid i chi gael Tystysgrif Nawdd wedi'i darparu gan gorff sydd wedi cael trwydded nawdd gan Asiantaeth Ffiniau'r DU. Byddwch wedyn yn defnyddio hyn fel rhan o'ch cais i weithio. Bydd angen i chi hefyd ddarparu tystiolaeth eich bod wedi bodloni meini prawf eraill a fydd yn rhoi pwyntiau i chi ar gyfer eich cais.

Nid yw haen 3, y llwybr ar gyfer gweithwyr heb lawer o sgiliau, ar waith ar hyn o bryd. Bydd y system seiliedig-ar-bwyntiau i fyfyrwyr, haen 4, yn cael ei chyflwyno yn 2009.

Gellir dod o hyd i fwy o wybodaeth ar wefan Asiantaeth Ffiniau'r DU.

• System bwyntiau - cael gwybod mwy Opens new window

Pa brawf fydd ei angen ar gyflogwyr

Os ydych chi'n dod o un o wledydd AEE, bydd angen i chi ddangos un o'r canlynol i ddarpar gyflogwr: cerdyn adnabod cenedlaethol neu dystysgrif cofrestru'r Swyddfa Gartref, neu os ydych chi'n dod o wlad A2 neu A8 a bod angen caniatâd arnoch i weithio gan Asiantaeth Ffiniau'r DU, eich dogfen waith.

Gall cyflogwyr wynebu dirwyon di ben draw os byddant yn cyflogi gweithwyr anghyfreithlon, felly mae angen iddynt sicrhau nad oes neb y maen nhw'n ei gyflogi'n gweithio'n anghyfreithlon yn y DU. Fodd bynnag, er mwyn eu gwarchod eu hunain rhag deddfau camwahaniaethu, dylent drin pob ymgeisydd am swydd yn gyfartal. Felly peidiwch â theimlo'ch bod yn cael eich sarhau os gofynnir i chi brofi eich cenedligrwydd, oherwydd gofynnir i ddinasyddion y DU hyd yn oed ddarparu tystiolaeth.

• Mwy o wybodaeth ar gyfer dinasyddion AEE Opens new window

Ble i gael cymorth

I gael mwy o wybodaeth ynghylch lle i gael cymorth gyda materion cyflogaeth, ewch i'r dudalen cysylltiadau cyflogaeth neu darllenwch fwy am undebau llafur.

• Cysylltiadau cyflogaeth
• Cyflwyniad i undebau llafur

Mwy o ddolenni defnyddiol

• Dod o hyd i waith yn y DU - darllen mwy o wybodaeth
• Darllen am sut i wneud cais am fisa DU Opens new window
• Cyngor i gyflogwyr ynghylch bod yn gymwys i weithio yn y DU gan Business Link Opens new window
• Cyngor i gyflogwyr yng Ngogledd Iwerddon am hawl i weithio yn y DU - nibusinessinfo Opens new window