Gwefan llywodraeth y DU

Pwy sy'n gymwys

I fod yn gymwys dan reolau'r Cynllun Cyflwyno Gwaith, gall y swydd fod yn amser llawn neu'n rhan amser, ond rhaid i'r swydd fod yn un lle disgwylir iddi bara am o leiaf 6 mis gan gynnwys cyfnod y cynllun.

Ni ellir defnyddio'r cynllun ar gyfer swyddi mewn adrannau ac asiantaethau'r llywodraeth. Ni ellir ei ddefnyddio chwaith ar gyfer swyddi Isafswm Gwaith a Ganiateir, Workstep na swydd y Fargen Newydd lle telir cymhorthdal y Fargen Newydd, er y gall pobl ar raglen y Fargen Newydd i Bobl Anabl ddefnyddio'r Cynllun Cyflwyno Gwaith.

Ni all pobl sy'n cymryd rhan yn Dysgu yn y Gwaith i Bobl Ifanc yn Lloegr, Training for Work a Skillseekers yn yr Alban, neu Meithrin Medrau yng Nghymru gymryd rhan. Ni ellir ei ddefnyddio o fewn Ardaloedd Llwybrau at Waith a arweinir gan ddarparwyr gan gwsmeriaid Llwybrau at Waith.

Y grant a sut y cewch eich talu

Mae'r Cynllun Cyflwyno Gwaith yn talu grant wythnosol i'ch cyflogwr am chwech wythnos gyntaf eich cyflogaeth. Dan amgylchiadau eithriadol, ac ar ôl cytundeb yr Ymgynghorydd Cyflogaeth i Bobl Anabl, gellir ymestyn hwn i 13 wythnos. Bydd eich cyflogwr yn talu'r gyfradd arferol i chi am y gwaith.

Os ydych ar fin cychwyn swydd newydd a bod gennych chi neu eich cyflogwr bryderon go iawn am eich gallu i ymdopi oherwydd eich anabledd, cysylltwch â'ch Ymgynghorydd Cyflogaeth i Bobl Anabl. Gallwch drafod a fyddai'r Cynllun Cyflwyno Gwaith ar gael yn eich amgylchiadau. Gall eich Canolfan Gwaith leol roi manylion yr Ymgynghorydd Cyflogaeth i Bobl Anabl agosaf atoch.

• Cynghorwyr Cyflogaeth i Bobl Anabl
• Dod o hyd i’ch Canolfan Byd Gwaith leol Opens new window