Gwefan llywodraeth y DU

Ynghylch Lwfansau Myfyrwyr Anabl

Grantiau yw'r Lwfansau Myfyrwyr Anabl sy'n helpu i dalu'r costau astudio ychwanegol sy'n wynebu myfyrwyr fel canlyniad uniongyrchol o anabledd neu anhawster dysgu penodol. Maent wedi eu cynllunio i helpu myfyrwyr anabl i astudio'n gyfartal â myfyrwyr eraill.

Gall myfyrwyr amser llawn, rhan-amser a myfyrwyr ôl-radd gwneud cais am Lwfansau Myfyrwyr Anabl.

Ni fydd y swm y gallwch ei gael yn dibynnu ar incwm eich cartref. Nid oes rhaid i chi dalu hwn yn ôl. Caiff Lwfansau Myfyrwyr Anabl eu talu ar ben y pecyn cyllid myfyrwyr sylfaenol.

Beth ydynt am

Gellir Lwfansau Myfyrwyr Anabl helpu gydag:

• offer arbenigol a fydd eu hangen arnoch i astudio - er enghraifft, meddalwedd cyfrifiadurol
• cynorthwy-ydd anfeddygol, megis rhywun i gymryd nodiadau neu i ddarllen
• costau teithio ychwanegol y bydd yn rhaid i chi eu talu oherwydd eich anabledd
•  costau eraill - er enghraifft, tapiau neu bapur Braille

Cymhwysedd

Gallwch wneud cais os ydych yn astudio:

• cwrs amser llawn sy'n para o leiaf blwyddyn (gan gynnwys cwrs dysgu o bell)
• cwrs rhan-amser sy'n para blwyddyn ac nad yw'n cymryd mwy na dwywaith yn hirach i'w gwblhau na chwrs amser llawn cyfatebol (gan gynnwys cwrs mewn Prifysgol Agored neu unrhyw gwrs dysgu o bell arall)

Gweld os ydych yn gymwys ar gyfer cyllid myfyriwr

I wneud cais ar gymorth ariannol drwy Lwfansau Myfyrwyr Anabl, mae’n rhaid i chi a’ch cwrs fod yn gymwys. Mae’n werth i chi wirio hyn cyn gwneud cais. Ceir rhagor o wybodaeth am hyn yn yr adran addysg a dysgu o’r wefan hon.

• Ydych chi’n gymwys am gyllid myfyriwr (adran addysg a dysgu – cyffredinol)

Cael prawf o’ch anabledd neu anhawsterau dysgu penodol

I wneud cais, bydd rhaid i chi ddangos tystiolaeth o’ch anabledd i’ch awdurdod lleol (neu’r Brifysgol Agored).

Os ydych ag anabledd corfforol, neu â chyflwr iechyd-meddyliol, bydd rhaid i chi ddarparu tystiolaeth feddygol o hyn – fel llythyr gan rhywun proffesiynol meddygol priodol.

Os oes gennych anhawster dysgu penodol fel dyslecsia, mae’n rhaid i chi ddarparu tystiolaeth mewn ffurf ‘asesiad diagnostig’ gan seicolegydd neu athro/athrawes gymwysedig arbenigol addas. Os ydych wedi cael asesiad diagnostig yn y gorffennol, mae’n bosib bydd angen iddo gael ei ddiweddaru.

Ni all eich awdurdod lleol cyrraedd y gost o unrhyw brofion i sefydlu eich cymhwyster am Lwfansau Myfyrwyr Anabl. Os oes angen prawf ond nid ydych yn gallu fforddio talu amdano, mae’n bosib y gallwch gael cymorth gyda’r gost drwy’r Gronfa Mynediad i Ddysgu.

• Mynediad i’r Gronfa Dysgu: cymorth ychwanegol os oes angen arnoch (adran addysg a dysgu – cyffredinol)

Pwy sydd ddim yn gymwys

Ni fyddwch yn gymwys am y Lwfansau Myfyrwyr Anabl os ydych yn derbyn bwrsari gan y GIG. Mae bwrsarïau’n debyg i rantiau ac, fel arfer, bydd y rhain yn gysylltiedig â phroffesiwn neu â chymhwyster penodol.

Ni fyddwch hefyd yn gymwys am Lwfansau Myfyrwyr Anabl o’ch awdurdod lleol os ydych yn fyfyriwr ôl-radd ac yn derbyn:

• grant neu fwrsari cyngor ymchwil
• bwrsari Cyngor Gofal Cymdeithasol Cyffredinol gan y GIG sy’n cynnwys cefnogaeth cyfwerth
• bwrsari neu grant gan gan eich coleg neu'ch prifysgol sy’n cynnwys cefnogaeth cyfwerth

Dylech gysylltu â darparwr eich bwrsari neu grant am gyngor am unrhyw gefnogaeth ychwanegol mae’n bosib y byddwch a hawli iddo oherwydd anabledd.

Faint fyddwch chi'n ei gael

Bydd hyn yn dibynnu ar eich amgylchiadau penodol, ond mae uchafsymiau ar gyfer y lwfansau gwahanol.

Dilynwch y ddolen isod am fanylion, gan gynnwys beth ydy’r lwfansau mwyaf.

• Lwfansau Myfyrwyr Anabl - faint allwch chi ei gael

Sut i wneud cais

Dilynwch y ddolen isod am fanylion y broses o wneud cais ar gyfer myfyrwyr amser llawn, rhan-amser a myfyrwyr ôl-radd. Byddwch hefyd yn dod o hyd i wybodaeth ar bwy i gysylltu gyda os caiff eich cais ei droi i lawr ac yr ydych am apelio.

• Lwfansau Myfyrwyr Anabl - sut i wneud cais

Mwy o wybodaeth

Gallwch gael mwy o wybodaeth am Lwfansau Myfyrwyr Anabl o'r llyfryn, 'Bridging the Gap'. Gallwch lwytho copi o'r safle hwn, neu ofyn i'ch awdurdod lleol anfon un atoch chi.

• Download Bridging the Gap, canllaw i Lwfansau Myfyrwyr Anabl 2007/2008 (PDF, 1370K)
• Download Bridging the Gap, canllaw i Lwfansau Myfyrwyr Anabl 2008/2009 (PDF, 277K)
• Cymorth gyda ffeiliau PDF
• Cysylltu â’ch awdurdod lleol (ceisiadau cyllid myfyrwyr) Opens new window

Mathau eraill o gymorth ariannol i fyfyrwyr anabl

Mae Lwfansau Myfyrwyr Anabl yn cael eu talu ar ben y pecyn safonol o gymorth ariannol sydd ar gael i fyfyrwyr.

Os ydych yn gwneud cwrs addysg uwch, gallwch gael gwybodaeth ar fenthyciadau myfyrwyr, grantiau a bwrsarïau gan ‘Cyllid myfyrwyr: faint allech chi ei gael’ neu, os wnaeth eich cwrs ddechrau cyn 2006, ‘Cyllid myfyrwyr: wedi cychwyn cyn Medi 2006?’.

Os ydych yn fyfyriwr ôl-radd, dilynwch y ddolen i ‘Ariannu eich cwrs ôl-radd’.

• Cyllid myfyrwyr: faint allech chi ei gael (adran addysg a dysgu – cyffredinol)
• Cyllid myfyrwyr: wedi cychwyn cyn Medi 2006? (adran addysg a dysgu – cyffredinol)
• Ariannu eich cwrs ôl-radd (adran addysg a dysgu – cyffredinol)