Gwefan llywodraeth y DU

Beth i'w wneud os ydych chi’n dioddef trais yn y cartref

Gall trais yn y cartref gynnwys cam-drin corfforol, ymosodiadau rhywiol a bygythiadau geiriol. Hefyd, gall gynnwys ymosodiadau mwy cynnil, megis torri ymddiriedaeth yn gyson, ynysu, gemau seicolegol a harasio. Gall effeithio ar bartneriaid ymhob math o berthynas a gall hefyd gynnwys trais rhwng rhieni a phlant.

• Trais yn y cartref (adran pobl ifanc)
• Delio â phroblemau mewn perthynas (adran rhieni)

Os ydych mewn perthynas lle'r ydych yn cael eich cam-drin, mae tri cham pwysig y gallwch eu cymryd:

• cydnabod ei fod yn digwydd i chi
• derbyn nad arnoch chi y mae'r bai
• cael help a chymorth

Help mewn argyfwng

Mewn argyfwng, dylech ffonio'r heddlu ar 999 (minicom 0800 112 999). Mae trais yn y cartref yn cael ei ystyried yn ddifrifol iawn gan yr heddlu a'r llysoedd.

Cyngor a chymorth

Gallwch gysylltu â phobl a mudiadau eraill os ydych yn dioddef trais yn y cartref. Gall y rhain gynnwys eich meddyg, grwpiau cymorth lleol ac elusennau.  Gall y llinellau cymorth canlynol gynnig cymorth a chyngor ymarferol i chi, gan gynnwys cyngor am faterion megis:

• cael llety brys mewn lloches
• cynllunio i fod yn ddiogel a rhoi cyngor
• adnoddau cyfieithu os ydych chi'n cael trafferth cyfathrebu yn Saesneg

Llinell Gymorth Genedlaethol Trais yn y Cartref Lloegr
0808 2000 247

Llinell Gymorth Trais yn y Cartref 24 Awr Cymorth i Fenywod Gogledd Iwerddon
028 9033 1818

Llinell Gymorth Trais yn y Cartref yr Alban
0800 027 1234

Llinell Gymorth Trais yn y Cartref Cymru
0808 80 10 800

Llinell Gyngor ac Ymholiadau i Ddynion
0845 064 6800

Y peryglon y gallech eu hwynebu

Gall y sawl sy'n eich cam-drin fygwth y bydd eich plentyn yn cael ei gymryd oddi wrthych os byddwch yn gadael neu'n dweud wrth rywun am y trais. Ni fydd y Gwasanaethau Cymdeithasol yn mynd â'ch plentyn oddi wrthych am y rheswm hwn.

Os oes ofn arnoch y bydd eich partner yn cipio'r plentyn, mynnwch gyngor cyn gynted ag sy’n bosibl. Gall eich grŵp Cymorth i Fenywod, Canolfan y Gyfraith, Canolfan Cyngor ar Bopeth yn lleol neu dwrnai roi cyngor i chi am sut i amddiffyn eich plentyn a sut y gellir cyfyngu ar neu oruchwylio'r cyswllt rhwng eich plentyn a phartner treisgar.

Dan Ddeddf Cyfraith Teulu 1996, gallwch wneud cais am y canlynol:

• gorchymyn a fydd yn eich amddiffyn rhag bygythiadau a/neu drais a chamdriniaeth gwirioneddol (Gorchymyn Peidio â Molestu)
• gorchymyn a fydd yn rheoleiddio pwy gaiff breswylio yn eich cartref (Gorchymyn Meddiannu) trwy gael gwared ar y sawl sy'n eich cam-drin a gadael i chi aros yn ddiogel yn eich cartref.

• Cymorth i Fenywod Opens new window
• Ffederasiwn y Canolfannau Cyfraith Opens new window
• Canolfannau Cyngor ar Bopeth Opens new window

Mwy o ddolenni defnyddiol

• Lloches - cyngor a mannau diogel Opens new window
• Llinell Gymorth i Ddynion Opens new window
• Byw heb ofn – yr Uned Fenywod a Chydraddoldeb Opens new window